હુમા કુરેશી ધરાવે છે ફિલ્મ નિર્માણ સપનુ

News KhabarPatri
By News KhabarPatri 2 Min Read

મુંબઇ: રજનિકાંત સાથે કાલા, અક્ષય કુમાર સાથે જોલી એલએલબી જેવી ફિલ્મોમાં કામ કરી ચુકેલી અને પોતાની એક્ટિંગથી તમામને પ્રભાવિત કરનાર હુમા કુરેશી પણ પ્રિયંકા ચોપડા અને અનુષ્કા શર્માની જેમ વહેલી તકે નાની વયમાં જ ફિલ્મ નિર્માણના ક્ષેત્રમાં કુદી જવાની ઇચ્છા ધરાવે છે. તે પ્રિયંકા ચોપડા અને અનુષ્કા શર્માથી પ્રભાવિત દેખાઇ રહી છે. આ બન્ને સ્ટાર પહેલાથી જ ફિલ્મ નિર્માણના ક્ષેત્રમાં છે. જો કે ફિલ્મોમાં અભિનેત્રી તરીકે કામ જારી રાખવા માટે ઇચ્છુક છે.

હુમા કહે છે કે તેની ઇચ્છા પહેલાથી જ રહેલી છે. હોલિવુડની સુપરસ્ટાર અભિનેત્રી એન્જેલિનાની જેમ જ લાઇફમાં આગળ વધવા માંગે છે.  હુમા કુરેશી થોડાક સમય પહેલા અક્ષય કુમાર સાથે જોલી એલએલબી-૨ ફિલ્મમાં  નજરે પડી હતી. આ  ફિલ્મ બોક્સ ઓફિસ પર સુપર હિટ સાબિત થઇ હતી. મોટા સ્ટાર સાથે ફિલ્મ મળી ગયા બાદ તેની કેરિયરમાં તેજી આવી છે.

આ ઉપરાંત  ખુબસુરત હુમા સાઉથમાં પણ એન્ટ્રી કરી ચુકી છે. તેની વ્હાઇટ ફિલ્મને પણ સારી સફળતા મળી હતી. જેમાં તેની સાથે મમુટીની ભૂમિકા હતી. તે એન્જેલિનાની જેમ જ મોટી વયે પહોંચી ગયા બાદ ફિલ્મ નિર્માણના ક્ષેત્રમાં કુદી પડશે અને ફિલ્મોમાં ભૂમિકા કરવાના બદલે નિર્માણમાં વધારે ધ્યાન આપશે. ગર્લ, ઇન્ટરપ્ટેડ તેમજ લારા ક્રોફટ જેવી યાદગાર ફિલ્મો બનાવી ચુકેલી એન્જેલીનાથી હુમા કુરેશી ખુબ પ્રભાવિત રહી છે. ૩૯ વર્ષીય જોલી વર્ષ ૨૦૧૧માં ફિલ્મ નિર્દેશનના ક્ષેત્રમાં ઉતરી ગઇ હતી અને વર્ષ ૨૦૧૧માં જોલીએ લેન્ડ ઓફ બ્લડ એન્ડ હની જેવી યાદગાર ફિલ્મ બનાવી હતી. કુરેશી તેનાથી ખુબ પ્રભાવિત રહી છે. તેનુ કહેવુ છે કે હાલમાં તે ફિલ્મોમાં પોતાની ભૂમિકા પર ધ્યાન આપી રહી છે. હુમા કુરેશીએ કહ્યુ છે કે તે ફિલ્મ નિર્દેશનના ક્ષેત્રમાં તેના ભાઇ સાકિબ સલીમની મદદ લેશે.

Share This Article