નવી દિલ્હી : ટી20 વર્લ્ડ કપ 2026ના સુપર 8 તબક્કાની જાહેરાત થઈ ચૂકી છે, તેની સાથે ભારતીય ક્રિકેટ ફેન્સના ધબકારા પણ વધી ગયા છે. ગ્રુપ Aમાં જગ્યા બનાવનાર ટીમ ઇન્ડિયાનો સામનો હવો દક્ષિણ આફ્રિકા, વેસ્ટઇન્ડીઝ અને ઝિમ્બાબ્વે જેવી એ ટીમો સાથે સામે થશે, જણે હજુ સુધી ગ્રુપ સ્ટેજમાં હારનો સ્વાદ ચાખ્યો નથી. આ ત્રણેય ટીમે છેલ્લી મેચમાં જીતને ટુર્નામેન્ટમાં વિજય લય મેળવી લીધી છે, જે ભારતીય ટીમ માટે ખતરાની ઘંટડી સાબિત થઈ શકે છે.
ગ્રુપ-એમાં વેસ્ટઇન્ડીઝ અને દક્ષિણ આફ્રિકા જેવી ટીમો સામેલ
ગ્રુપ-એમાં સૌથી મોટો ખતરો યજમાન વેસ્ટઇન્ડીઝ અને દક્ષિણ આફ્રિકાની ટીમમાંથી દેખાઈ રહ્યો છે. વેસ્ટઇન્ડીઝની ટીમ એશિયાઈ પરિસ્થિતિઓનો પૂરતો લાભ લઈ રહી છે અને તેમના પાવર-હિટર્સ હાલમાં જબરદસ્ત ફોર્મમાં છે. બીજી તરફ, દક્ષિણ આફ્રિકાએ આ વખતે પોતાની ‘ચોકર્સ’ની છબી પાછળ મૂકી અત્યંત સંતુલિત પ્રદર્શન કર્યું છે.
આ બન્ને ટીમોનું અપરાજિત રહેવું એ દર્શાવે છે કે તેઓ દબાણવાળી મેચોમાં ભાંગી પડવાને બદલે વધુ મજબૂત બનીને સામે આવી રહી છે. ભારતને સેમિફાઇનલની રાહ સરળ બનાવવા માટે આ બન્નેમાંથી ઓછામાં ઓછી એક મોટી ટીમને હરાવવી જ પડશે. ટીમ ઇન્ડિયાની સૌથી પહેલી મેચ 22મી તારીખે દક્ષિણ આફ્રિકા સામે છે.
જિમ્બાબ્વેની ટીમ પણ સામેલ
આ ગ્રુપમાં સૌથી ચોંકાવનારું નામ ‘જાયન્ટ કિલર’ જિમ્બાબ્વે છે. જિમ્બાબ્વેએ માત્ર ગ્રુપ સ્ટેજમાં ઓસ્ટ્રેલિયા જેવી દિગ્ગજ ટીમને હરાવી ઇતિહાસ રચ્યો નથી, પરંતુ તે આ વર્લ્ડ કપમાં અત્યાર સુધી અપરાજિત પણ રહી છે. ઓપનર બ્રાયન બેનેટના શાનદાર ફોર્મ અને તેમની ઘાતક બોલિંગે તેમને ટૂર્નામેન્ટની ખતરનાક ટીમ બનાવી છે. ભારતીય ટીમ સામાન્ય રીતે નાની ટીમો સામે ઉલટફેરનો શિકાર થતી નથી, છતાં ટીમે સાવચેત રહેવાની જરૂર છે.
