રાજકોટ: નાસ્તાના ક્ષેત્રમાં ભારતની અગ્રણી કંપનીઓમાંની એક ગોપાલ સેન્કસ, મહિલા-કેન્દ્રિત કાર્યસ્થળ નીતિના એક નોંધપાત્ર ઉદાહરણ તરીકે ખાસ ‘કન્યા વિવાહ બોનસ’ પ્રદાન કરે છે, જે તેમની અપરિણીત મહિલા કર્મચારીઓને તેના લગ્ન સમયે એક નાણાકીય ભેટ છે. વર્ષ 2016થી શરૂ થયેલ આ પહેલેમાં આજ સુધીમાં રૂ.5.35 કરોડથી વધુનું વિતરણ કરવામાં આવ્યું છે, જે મહિલાઓને તેમના જીવનમાં એક નવા અધ્યાયની શરૂઆત કરતી વખતે મહત્વની સહાય પૂરી પાડે છે.
‘કન્યા વિવાહ બોનસ’ એવી અપરિણીત મહિલા કર્મચારીઓને આપવામાં આવે છે જેમણે સંસ્થામાં ઓછામાં ઓછી એક વર્ષ સેવા પૂર્ણ કરી હોય અને લગ્નના 90 દિવસની અંદર રાજીનામું આપ્યું હોય, ખાસ કરીને તેમના લગ્નમાં મદદ કરવા માટે આ બોનસ આપવામાં આવે છે. છેલ્લા આઠ વર્ષમાં, 423 દિકરીઓએ આ યોજનાનો લાભ લીધો છે, જેમાં તેમની સેવાના સમયગાળા અને સંસ્થામાં તેમની ભૂમિકાના આધારે રૂ. 11.20 લાખ સુધીનું વ્યક્તિગત બોનસ પણ આપવામાં આવ્યું છે.
આ પહેલ માત્ર ગોપાલ સ્નેક્સની મહિલા સશક્તિકરણ પ્રત્યેની પ્રતિબદ્ધતાને પ્રતિબિંબિત કરતી નથી, પરંતુ તેમના લગ્ન દરમિયાન મહિલાઓને ટેકો આપવાના ભાવનાત્મક અને સાંસ્કૃતિક મહત્વને પણ પ્રકાશિત કરે છે.
ગોપાલ સ્નેક્સના સીઈઓ રાજ હડવાણીએ જણાવ્યું હતું કે, “કન્યા વિવાહ બોનસ એ અમારી મહિલા કર્મચારીઓ પ્રત્યે તેમના સમર્પણ અને સેવા માટે કૃતજ્ઞતા દર્શાવવાનો અમારો માર્ગ છે. લગ્ન એક મહત્વપૂર્ણ પ્રસંગ છે, અને અમે માનીએ છીએ કે તેઓ નવી સફર શરૂ કરે ત્યારે તેમને ભાવનાત્મક અને નાણાકીય રીતે ટેકો આપવો એ અમારી ફરજ છે.”
વર્ષ 2016-17માં ૩૦ કર્મચારીઓને આપવામાં આવેલા 24.34 લાખ રૂપિયાથી લઈને 2020-21માં 87 કર્મચારીઓને આપવામાં આવેલા 1.08 કરોડ રૂપિયા સુધી, બ્રાઇડલ બોનસ કંપનીના મૂલ્યવાન કર્મચારીઓના લાભનું માધ્યમ બની ગયું છે. વર્ષ 2023-24માં 39 મહિલાઓને 66.02 લાખ રૂપિયા મળ્યા, જેમાં સૌથી વધુ વ્યક્તિગત બોનસ 6.56 લાખ રૂપિયા હતું.
ગોપાલ સ્નેક્સની ‘કન્યા વિવાહ યોજના’ નીતિ યોગ્ય પાત્રતા પ્રક્રિયાને અનુસરે છે. પાત્ર કર્મચારીઓ સામાન્ય રીતે HRને તેમના લગ્ન વિશે જાણ કરે છે અને અગાઉથી ઔપચારિક રાજીનામું આપે છે. કંપનીમાં તેમની નોકરીના અંતે બોનસનું વિતરણ કરવામાં આવે છે. જેને વધુ ખાસ બનાવવા માટે વરિષ્ઠ મેનેજમેન્ટ દ્વારા દિકરીના પરિવારના સભ્યોને ચેક સોંપવામાં આવે છે.
આ વિચારશીલ પહેલ એક સમાવિષ્ટ અને સહાયક કાર્યસ્થળ સંસ્કૃતિ બનાવવાના ગોપાલ સ્નેક્સના ઉદ્દેશ્ય સાથે સુસંગત છે જ્યાં મહિલાઓને ખરેખર મૂલ્યવાન ગણવામાં આવે છે.
