દુનિયામાં કયા દેશમાં મળે છે સૌથી સસ્તુ સોનું, જાણો ભાવ ઘટાડા બાદ કેટલી થઈ કિંમત?

સોનાં અને ચાંદીની કિંમતોમાં આવેલો મોટો ઘટાડો દુનિયાભરના રોકાણકારો અને સામાન્ય ખરીદદારોનું ધ્યાન ખેંચ્યું છે. છેલ્લા કેટલાક મહિનાઓમાં નોંધાયેલી રેકોર્ડ તેજી બાદ બજારમાં જોરદાર કરેકશન જોવા મળ્યું છે. વૈશ્વિક અનિશ્ચિતતા અને સટ્ટાકીય ખરીદીના કારણે ચાલેલી રેલી અટકતાં જ નફાવસૂલી શરૂ થઈ, જેના કારણે કિંમતી ધાતુઓના ભાવ નીચે સરકી ગયા. આ દરમિયાન એવો સવાલ પણ ઊભો થયો છે કે ગોલ્ડ ક્રેશ બાદ દુનિયાના કયા દેશમાં સોનું સૌથી સસ્તુ થયું છે અને ત્યાં તેની કિંમત કયા સ્તરે પહોંચી છે.

આંતરરાષ્ટ્રીય બજારમાં સોનાં-ચાંદી પર દબાણ

આંતરરાષ્ટ્રીય બજારમાં સોમવારે પણ સોનાં અને ચાંદી પર દબાણ યથાવત રહ્યું. સોનું લગભગ 4500 ડોલરના આસપાસ ટ્રેડ થતું જોવા મળ્યું, જે તેના તાજેતરના ઉચ્ચ સ્તરથી લગભગ 7.7 ટકા નીચે છે. જ્યારે ચાંદીમાં ગિરાવટ વધુ રહી અને તે લગભગ 14 ટકા તૂટીને 72 ડોલરના આસપાસ પહોંચી ગઈ. ઓલ ટાઈમ હાઈની સરખામણી કરીએ તો સોનું 11,00 ડોલરથી વધુ નીચે આવી ચૂક્યું છે, જ્યારે ચાંદી તેના રેકોર્ડ સ્તરથી લગભગ 50 ડોલર ઘટી ગઈ છે.

ભારતીય બજારમાં પણ દેખાઈ અસર

વૈશ્વિક કમજોરીનો પ્રભાવ ભારતીય બજારમાં પણ સ્પષ્ટ રીતે જોવા મળ્યો છે. એમસીએક્સ પર 2 એપ્રિલ 2026નો ગોલ્ડ ફ્યુચર્સ કોન્ટ્રાક્ટ લગભગ 1,40,999 રૂપિયા પર ટ્રેડ થતો જોવા મળ્યો, જેમાં લગભગ 4.57 ટકાની ગિરાવટ નોંધાઈ. બીજી તરફ, એમસીએક્સ સિલ્વર કોન્ટ્રાક્ટ લગભગ 13 ટકા તૂટીને 2,30,732 રૂપિયા સુધી પહોંચી ગયો.

ગોલ્ડ ક્રેશ બાદ ક્યાં સૌથી સસ્તુ સોનું?

ભાવમાં ઘટાડા છતાં વિવિધ દેશોમાં સોનાની કિંમતોમાં મોટો તફાવત જોવા મળે છે. ભારતમાં ઊંચા ટેક્સ, આયાત ડ્યુટી અને મજબૂત સ્થાનિક માંગના કારણે સોનું હજી પણ મોંઘું છે, જ્યારે કેટલાક દેશોમાં તે તુલનાત્મક રીતે સસ્તુ મળે છે. આ દેશોમાં અમેરિકા સૌથી ઉપર છે. અમેરિકામાં 24 કેરેટ સોનાની કિંમત લગભગ 15,905 રૂપિયા પ્રતિ ગ્રામ હોવાનું જણાવવામાં આવે છે. જ્યારે 22 કેરેટ સોનું આશરે 15,078 રૂપિયા અને 18 કેરેટ સોનું લગભગ 12,317 રૂપિયા પ્રતિ ગ્રામના સ્તરે છે.

ઓસ્ટ્રેલિયા બીજા નંબરે

સોનાં અને ચાંદીના ભાવ મામલે ઓસ્ટ્રેલિયા બીજા નંબરે આવે છે. અહીં 24 કેરેટ સોનું લગભગ 15,000 રૂપિયા પ્રતિ ગ્રામના આસપાસ મળે છે, જ્યારે 22 અને 18 કેરેટ સોનું તેનાથી પણ સસ્તુ હોવાનું જણાવાય છે.

સિંગાપુરમાં પણ સોનું સસ્તુ

સિંગાપુર એશિયાના સૌથી સસ્તા ગોલ્ડ માર્કેટમાં સામેલ છે. અહીં 24 કેરેટ સોનાની કિંમત લગભગ 14,300 રૂપિયા પ્રતિ ગ્રામ અને 22 કેરેટ સોનું આશરે 12,845 રૂપિયા પ્રતિ ગ્રામના આસપાસ હોવાનું કહેવાય છે. આ ઉપરાંત ઇન્ડોનેશિયા, સ્વિટ્ઝર્લેન્ડ, દુબઈ, ભૂટાન, માલવી અને કોલંબિયા જેવા દેશોમાં પણ ભારતની સરખામણીમાં સોનું વધુ સસ્તું મળે છે.