મનપસંદ જીવનસાથી મેળવવા માટે લોકો અનેક પ્રયત્નો કરે છે. ઘણા લોકો ડેટિંગ સાઇટ્સ અને મેટ્રિમોનિયલ પ્લેટફોર્મનો સહારો લે છે. કેટલાક લોકોને આ પ્લેટફોર્મ પર તેમના મનપસંદ પાર્ટનર મળી પણ જાય છે, પરંતુ દરેક વ્યક્તિ એટલી ભાગ્યશાળી નથી હોતી. કેટલાક લોકોને પ્રેમ મેળવવા માટે અલગ-અલગ રીતો અપનાવવી પડે છે. કોઈ મિત્રો કે સગાંની મદદ લે છે તો કેટલાક લોકો જાહેર જગ્યાઓએ પણ શોધતા હોય છે.
આ વચ્ચે એક યુવતીએ પોતાના મનગમતા પાર્ટનરને શોધવા માટે અનોખી રીત અપનાવી છે, જેનો વીડિયો હાલમાં સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં યુવતી ન્યૂયોર્કના ટાઇમ્સ સ્ક્વેર વિસ્તારમાં હાથમાં એક પ્લેકાર્ડ લઈને ઉભી જોવા મળે છે. આ પ્લેકાર્ડ પર લખેલું છે “Looking for Indian Husband”, એટલે કે તેને ભારતીય પતિની શોધ છે.
View this post on Instagram
વાયરલ થયેલો આ વીડિયો ઇન્સ્ટાગ્રામ પર @logielingo નામના એકાઉન્ટ પરથી શેર કરવામાં આવ્યો છે. સમાચાર લખાય ત્યાં સુધી આ વીડિયોને 1 કરોડથી વધુ લોકોએ જોયો છે અને લગભગ 18 લાખ લોકોએ તેને લાઈક કર્યો છે.
વિડિયો પર ઘણા લોકોના કમેન્ટ્સ પણ જોવા મળી રહ્યા છે. કેટલાક લોકો પોતાના મિત્રોને ટૅગ કરીને મજાકમાં આ વિશે વિચારવા કહે છે, જ્યારે કેટલાક લોકોએ રસપ્રદ અને મજેદાર ટિપ્પણીઓ કરી છે. બીજી તરફ કેટલાક લોકોનું માનવું છે કે આ વીડિયો ભારતીય ફોલોઅર્સ, વ્યૂઝ અને લાઈક્સ વધારવા માટે કરવામાં આવેલું આયોજન પણ હોઈ શકે છે.
