ભારતીય ઓટો માર્કેટ માટે 2026નો બીજો મહિનો ખૂબ જ સારો રહ્યો છે. ફેબ્રુઆરી 2026માં કાર વેચાણમાં જોરદાર વૃદ્ધિ જોવા મળી. ખાસ કરીને SUV સેગમેન્ટમાં સૌથી વધુ માંગ રહી, જ્યારે સેડાન અને હેચબેકને પણ સારો પ્રતિસાદ મળ્યો. ગયા મહિનાની સૌથી વધુ વેચાતી કાર તરીકે Tata Nexon પ્રથમ સ્થાને રહી. ઉપરાંત Maruti Dzire અને Tata Punchના વેચાણમાં નોંધપાત્ર વધારો નોંધાયો.
ફેબ્રુઆરી 2026ની ટોપ-10 કારોએ મળીને કુલ 1,70,127 યુનિટ વેચાણ કર્યું, જ્યારે ફેબ્રુઆરી 2025માં આ આંકડો 1,56,425 યુનિટ હતો. એટલે કે વર્ષ દરમિયાન 8.76%નો સારો વધારો નોંધાયો.
Tata Nexon
આ યાદીમાં પ્રથમ સ્થાને રહેલી ટાટા નેક્સોનને ગયા મહિને કુલ 19,430 નવા ગ્રાહકો મળ્યા. ફેબ્રુઆરી 2025ની સરખામણીએ 26.59%નો વૃદ્ધિ દર નોંધાયો. તેની શરૂઆતની એક્સ-શોરૂમ કિંમત ₹7,31,890 છે.
નેક્સોનમાં રેઝ્ડ હૂડ, સ્લીક LED DRLs, R16 એલોય વ્હીલ્સ અને પેનોરામિક સનરૂફ જેવી ખાસિયતો છે. કેબિનમાં વેન્ટિલેટેડ લેધરેટ સીટ્સ, 10.25 ઇંચ ઇન્ફોટેઇનમેન્ટ સિસ્ટમ, JBL સ્પીકર્સ, વાયરલેસ ચાર્જર અને 382 લિટર બૂટ સ્પેસ મળે છે. સાથે જ કનેક્ટેડ ટેક, મલ્ટી ડ્રાઇવ મોડ્સ, 360° કેમેરા, ADAS અને 6 એરબેગ્સ જેવી સુરક્ષા સુવિધાઓ ઉપલબ્ધ છે. ઇન્જિન વિકલ્પોમાં 1.2L ટર્બો પેટ્રોલ (120PS), 1.5L ટર્બો ડીઝલ (115PS) અને CNG શામેલ છે. મહત્તમ ક્લેમ્ડ માઇલેજ 24.08 kmpl છે.
Maruti Dzire
વેચાણમાં બીજા સ્થાને રહેલી મારુતિ ડિઝાયરને 19,326 નવા ગ્રાહકો મળ્યા. ફેબ્રુઆરી 2025ની તુલનામાં 31.52%નો નોંધપાત્ર વધારો નોંધાયો.
Tata Punch
ત્રીજા સ્થાને ટાટા પંચ રહી, જેને 18,748 ગ્રાહકો મળ્યા. ગયા વર્ષની સરખામણીએ 28.77%નો વધારો નોંધાયો.
Hyundai Creta
ચોથા સ્થાને રહેલી ક્રેટાને 17,938 ગ્રાહકો મળ્યા. આ 9.93%ની વૃદ્ધિ દર્શાવે છે.
Maruti Brezza
પાંચમા સ્થાને મારુતિ સુઝુકીની બ્રેઝા રહી. ફેબ્રુઆરી 2026માં તેની 17,863 યુનિટ વેચાઈ, જે વર્ષદરમિયાન 16.05% વૃદ્ધિ દર્શાવે છે.
અન્ય ટોપ મોડલ્સ
ઉપરોક્ત ટોપ-5 સિવાય, ગયા મહિને મારુતિ અર્ટિગાના 17,807 યુનિટ, મારુતિ વેગનઆરના 14,885 યુનિટ, મારુતિ સ્વિફ્ટના 14,833 યુનિટ, મહિન્દ્રા સ્કોર્પિયો Nની 14,665 યુનિટ અને બલેનોના 14,632 યુનિટ વેચાયા છે. આમ, ફેબ્રુઆરી 2026માં SUV સેગમેન્ટે બજારમાં સ્પષ્ટ રીતે લીડ મેળવી છે અને કુલ વેચાણમાં મજબૂત વૃદ્ધિ નોંધાઈ છે.
