આર્થિક સંકટનો સામનો કરી રહેલા પાકિસ્તાને ફરી એકવાર ચીન સામે હાથ લંબાવ્યો

ચીનના વડાપ્રધાનને પત્ર લખીને બે અબજ ડોલરની માગણી કરી
ઇસ્લામાબાદ :આર્થિક સંકટનો સામનો કરી રહેલા પાકિસ્તાને તેના નજીકના સાથી ચીનને મદદની અપીલ કરી છે. તેણે બેઇજિંગ પાસેથી બે અબજ ડોલરની આર્થિક મદદ માગી છે. કાર્યવાહક વડાપ્રધાન અનવર ઉલ હક કાકરે ચીનના વડાપ્રધાન લી કિઆંગને પત્ર લખ્યો છે. જેમાં તેણે વિનંતી કરી છે કે ચીનની લોન માટે જમા કરવાનો સમય ૨૩ માર્ચે પૂર્ણ થાય કે તરત જ લોનને રોલ ઓવર કરી દેવામાં આવે. શનિવારે એક મીડિયા રિપોર્ટમાં આ માહિતી આપવામાં આવી હતી. પાકિસ્તાની અખબારના સમાચાર અનુસાર, કકરે પત્રમાં પાકિસ્તાનને આર્થિક સંકટમાં મદદ કરવા બદલ ચીનનો આભાર વ્યક્ત કર્યો હતો. રોકડની તંગીથી ઝઝૂમી રહેલા દેશને ચીન પાસેથી કુલ ચાર અબજ ડોલરની લોન મળી હતી. જેના કારણે દેશ પર બાહ્ય દેવું ચૂકવવાનું દબાણ ઓછું થયું અને વિદેશી મુદ્રા ભંડાર સ્થિર થયો. આ મહિનાની શરૂઆતમાં, સંયુક્ત આરબ અમીરાત (UAE) એ પાકિસ્તાનને આપવામાં આવતી બે અબજ ડોલરની લોન અટકાવી દીધી હતી. જાેકે, સાઉદી અરેબિયાએ સ્ટેટ બેંક ઓફ પાકિસ્તાન (SBP)માં પાંચ અબજ ડોલર જમા કરાવ્યા છે. વચગાળાની સરકારે આ મહિને $1.2 બિલિયનના અંતિમ લોનના તબક્કાની વાટાઘાટ કરવા માટે નવું મિશન મોકલવાની વિનંતી કરી હતી. આ મિશન માત્ર IMF પાસેથી લોનના અંતિમ તબક્કાને એકત્રિત કરવા માટે જ નહીં, પરંતુ નવા લાંબા ગાળાના લોન પ્રોગ્રામ માટે વાટાઘાટો શરૂ કરવા માટે પણ મહત્વપૂર્ણ છે. દેશના પૂર્વ નાણામંત્રી ઇશાક ડારે તાજેતરમાં એક ટીવી ન્યૂઝ ચેનલ સાથે વાત કરી હતી. આ દરમિયાન, તેમણે કહ્યું કે જાે તેમની પાર્ટી પાકિસ્તાન મુસ્લિમ લીગ-નવાઝ (PML-N) ચૂંટણી જીતે છે અને સરકાર બનાવે છે, તો IMFના નવા કાર્યક્રમ અંગે વહેલી તકે ર્નિણય લેવામાં આવશે. ડારે કહ્યું કે જાે તેમનો પક્ષ IMF લોન કાર્યક્રમમાં ન જાેડાવાનો ર્નિણય લેશે, તો તેઓ તરત જ આ અંગે પગલાં લેશે.