14 ફેબ્રુઆરીના રોજ રમાયેલી મહિલા પ્રીમિયર લીગની પહેલી મેચમાં રોયલ ચેલેન્જર્સ બેંગ્લોર અને ગુજરાત જાયન્ટ્સ આમને-સામને આવ્યા હતા. આ મેચમાં ગુજરાત માટે પાંચ ખેલાડીઓએ ડેબ્યૂ કર્યું હતું. પરંતુ વીજે જોશીતા માત્ર 18 વર્ષની ઉંમરે પોતાની પહેલી મેચ રમીને IPL માં ડેબ્યૂ કરનારી સૌથી નાની ઉંમરની ખેલાડી બની ગઈ છે.
વીજે જોશીતાએ 18 વર્ષ અને 205 દિવસની ઉંમરે આરસીબી માટે આઈપીએલમાં ડેબ્યૂ કર્યું હતું. આ સાથે, તે મહિલા પ્રીમિયર લીગમાં ડેબ્યૂ કરનારી ત્રીજી સૌથી નાની ઉંમરની ખેલાડી બની ગઈ છે. તેમના પહેલા, ૨૦૨૪ માં, શબનમ શકીલે 16 વર્ષ અને 263 દિવસની ઉંમરે ગુજરાત જાયન્ટ્સ માટે ડેબ્યૂ કરીને ઇતિહાસ રચ્યો હતો. તે હજુ પણ આ લીગના ઇતિહાસમાં ડેબ્યૂ કરનારી સૌથી નાની ઉંમરની ખેલાડી છે. તેમના પછી પાર્શ્વી ચોપરાનો નંબર આવે છે, જેમણે 2023 માં 16 વર્ષ અને 312 દિવસની ઉંમરે યુપી વોરિયર્સ તરફથી રમતી વખતે આઈપીએલ માં ડેબ્યૂ કર્યું હતું.
યુવા ખિલાડી વીજે જોશીતા તાજેતરમાં પૂર્ણ થયેલા મહિલા અંડર-19 વર્લ્ડ કપમાં ભારતીય ટીમ તરફથી રમી હતી. તેણે વર્લ્ડ કપમાં કુલ 6 મેચ રમી અને 6 વિકેટ લીધી. તેણે વર્લ્ડ કપ ટુર્નામેન્ટમાં માત્ર 4.46 ના ઇકોનોમી રેટથી રન આપ્યા. તમને યાદ અપાવી દઈએ કે જોશીતાને આરસીબી એ હરાજીમાં તેના બેઝ પ્રાઈસ એટલે કે 10 લાખ રૂપિયામાં ખરીદી હતી.
