અમદાવાદ: શહેરના કલા અને વ્યાપાર ક્ષેત્રમાં એક નવો ઉમેરો થવા જઈ રહ્યો છે. જાણીતા ઉદ્યોગસાહસિક, લેખિકા અને કલાકાર અર્પણા ભુવાનિયા દ્વારા અમદાવાદના રાજપથ રંગોલી રોડ વિસ્તારમાં ‘એલિવેટ બાય અર્પણા (Elevate by Arpana)’ નામે એક આધુનિક એક્ઝિબિશન ગેલેરી અને ક્રિએટિવ સ્પેસ શરૂ કરવામાં આવ્યું છે. આ જગ્યા આર્ટ પ્રદર્શનો, બિઝનેસ મીટિંગ્સ, આર્ટિસ્ટ સત્રો, સ્ટેન્ડ-અપ કોમેડી અને નાના પાયે સામાજિક કાર્યક્રમો માટે એક અનોખું પ્લેટફોર્મ બનશે.
આ ક્રિએટિવ હબના પ્રારંભ નિમિત્તે 18 માર્ચ, 2026ના રોજ ‘લાઈલેક બાય અર્પણા (Lilac by Arpana – Season 1.0)’ નામે ખાસ એક દિવસીય પ્રદર્શનનું આયોજન કરવામાં આવ્યું છે.
મહિલા સાહસિકોને મળશે પ્રોત્સાહન
‘લાઈલેક’ પ્રદર્શનનો મુખ્ય હેતુ મહિલા સાહસિકોને પ્રોત્સાહન આપવાનો છે. આ પ્રદર્શનમાં આશરે 10થી 12 સ્ટોલ્સ દ્વારા વિવિધ સર્જનાત્મક અને લાઇફસ્ટાઇલ ઉત્પાદનો રજૂ કરવામાં આવશે. તેમાં ડિઝાઇનર જ્વેલરી, વસ્ત્રો, હેન્ડમેડ એસેસરીઝ, સુગંધિત કેન્ડલ્સ, લાઇફસ્ટાઇલ પ્રોડક્ટ્સ અને પરંપરાગત મુખવાસ જેવા ઉત્પાદનો સામેલ રહેશે.
પ્રદર્શનમાં આર્નીન સિલ્વર એન્ડ ડિઝાઇનર જ્વેલરી, રિંકલ જ્વેલ્સ, પૂજા સિલેક્શન, ટિટલી ક્રિએશન્સ, TVAM – વણાટ બાય ઉષા, અર્બન સ્ટાઇલ, કેન્ડલ્સ ફોર યુ, આરના એસેન્સ, ડિઝાઇન બાય ખ્યાતિ ત્રિવેદી, ત્રિદેવી ટ્રેન્ડ્સ અને હેમાંગી દવે દ્વારા રજૂ કરાયેલા મુખવાસ જેવા બ્રાન્ડ્સ ભાગ લેશે.
શહેરની અગ્રણી મહિલાઓની ઉપસ્થિતિ
આ કાર્યક્રમમાં શહેરની 35થી 40 પ્રતિષ્ઠિત મહિલાઓને ‘ગેસ્ટ ઓફ ઓનર’ તરીકે આમંત્રિત કરવામાં આવી છે. તેઓ મહિલા ઉદ્યોગસાહસિકોને મળીને તેમની પ્રેરણા વધારશે અને તેમની પહેલને પ્રોત્સાહિત કરશે.
મુલાકાતીઓ માટે ખાસ ઓફર્સ
કાર્યક્રમ દરમિયાન મુલાકાતીઓ માટે કોલોનેડ-2 સ્થિત પ્રખ્યાત ‘Arpana’s Chai Nasta’ કાફે પર ખાસ ઓફર્સ પણ રાખવામાં આવી છે, જેથી લોકો નાસ્તાની સાથે પ્રદર્શનનો આનંદ માણી શકે.
આ પ્રસંગે અર્પણા ભુવાનીયાએ જણાવ્યું હતું કે, “એલિવેટ માત્ર એક ગેલેરી નથી, પરંતુ સર્જનાત્મકતા અને પ્રગતિ માટેનું એક પ્લેટફોર્મ છે. ‘લાઈલેક’ દ્વારા અમે સ્થાનિક મહિલા સાહસિકોને તેમની પ્રતિભા રજૂ કરવા માટે યોગ્ય મંચ આપવા માંગીએ છીએ.”
કાર્યક્રમની વિગતો
ઇવેન્ટ: લાઈલેક બાય અર્પણા (Season 1.0)
તારીખ: 18 માર્ચ, 2026
સ્થળ: એલિવેટ બાય અર્પણા, કોલોનેડ-2, રાજપથ રંગોલી રોડ, અમદાવાદ
ઉલ્લેખનીય છે કે Arpana Bhuvania એક બહુમુખી પ્રતિભા ધરાવતા ઉદ્યોગસાહસિક, લેખિકા અને કલાકાર છે. તેઓ સોનાના પદાર્થોનો ઉપયોગ કરીને અનોખી પેઇન્ટિંગ્સ બનાવે છે અને પોતાના ડિઝાઇન લેબલ તથા કાફે સંચાલન સાથે વિવિધ સામાજિક અને પરોપકારી પ્રવૃત્તિઓમાં પણ સક્રિય છે.
