રામાનંદ સાગરની ‘રામાયણ’ને ઓફ એર થયે ભલે વર્ષો વિતી ગયા હોય, પણ આ સીરિયલમાં એક્ટર્સે જે પાત્ર નિભાવ્યા હતા, તે આજે પણ લોકોના દિલમાં વસેલા છે. લોકો આજે પણ તેમને એ રુપમાં જોઈ ધન્યતા અનુભવે છે. જ્યાં એક તરફ આદિપુરુષ પર હોબાળો મચેલો છે, ત્યાં ટીવીની સીતાનો રાલ નિભાવતી એક્ટ્રેસ દીપિકા ચિખલિયાએ માતા સીતાના રુપમાં એક એવો વીડિયો શેર કર્યો છે, જેને જોતા જ વાયરલ થઈ ગયો. આ થોડી સેકન્ડના વીડિયોમાં દીપિકા ચિખલિયા સીરિયલમાં નિભાવેલ માતા સીતાના લુકમાં ભક્તિમાં લીન દેખાઈ રહી છે. આ વીડિયોમાં એક્ટ્રેસે સોશિયલ મીડિયા પર ખાસ કેપ્શન સાથે શેર કર્યો છે, જે લોકોને ખૂબ જ પસંદ આવી રહ્યો છે.
એક્ટ્રેસે કેપ્શનમાં લખ્યું છે કે, ” તમારા લોકોની ડિમાન્ડ પર આ પોસ્ટ શેર કરી રહી છું. હું હંમેશા એ રોલનો આભાર માનીશ, જેને લઈને મને લોકો તરફ હંમેશા આટલો પ્રેમ મળ્યો, હું માતા સીતાના રુપમાં…” દીપિકા ચિખલિયાને વર્ષો બાદ આમ આવી રીતે માતા-સીતાના રુપમાં જોઈને ફેન્સ ખુશ થઈ ગયા હતા. ત્યાં સુધી કે લોકો સોશિયલ મીડિયા પર કમેન્ટ કરીને આદિપુરુષને ખરી ખોટી સંભળાવી રહ્યા છે. એક યુઝરે કમેન્ટમાં લખ્યું કે, મેમ આપની રીલ આખી આદિપુરુષ ફિલ્મ પર ભારે પડી. બીજા યુઝર્સે લખ્યું કે, જો આંખ બંધ કરીને સીતા માતાને યાદ કરીએ તો, તેમની જ છબી આવે છે. ત્રીજા યુઝર્સે લખ્યું કે, માતા સીતાના રોલમાં આપને કોઈ પણ રિપ્લેસ નહીં કરી શકે. ચોથા યુઝર્સે લખ્યું- કળિયુગની માતા સીતા તમે જ છો. આપને જણાવી દઈએ કે, આદિપુરુષ ફિલ્મને લઈને રામાયણ સીરિયલમાં રામ અને લક્ષ્મણનો રોલ નિભાવી રહેલા એક્ટરના રિએક્શન આવી ગયા છે, અને બંને ફિલ્મને જોઈને ખૂબ જ ગુસ્સામાં છે.
