રાજ્યમાં ડિસેમ્બર મહિનામાં પડશે હાડ થીજાવતી ઠંડી, હવામાન વિભાગે કરી આગાહી, આ જિલ્લામાં ગગડશે તાપમાનનો પારો

Rudra
By Rudra 2 Min Read

અમદાવાદ : ગુજરાતમાં શિયાળાની ઋતુ સંપૂર્ણપણે છવાઈ ગઈ છે. રાજ્યના મોટાભાગના શહેરોમાં ભારે ઠંડી પડી રહી છે. ટૂંક સમયમાં આખો નવેમ્બર મહિનો પૂરો થવાનો છે, પરંતુ હજુ સુધી ઘણી જગ્યાએ અપેક્ષા મુજબ ઠંડીનો અનુભવ થઈ રહ્યો નથી.

અમદાવાદમાં ગઈ કાલે મહત્તમ તાપમાન 32.5 ડિગ્રી નોંધાયું હતું. નલિયાની સરખામણીએ વડોદરા અને અમરેલીમાં વધુ ઠંડીનો અનુભવ થયો હતો. આ બંને શહેરોમાં તાપમાન 15 ડિગ્રીથી નીચે નોંધાયું હતું, જેમાં વડોદરામાં 14.1 ડિગ્રી અને અમરેલીમાં 14.3 ડિગ્રી નોંધાયું હતું. ગુજરાતમાં શિયાળાની ઋતુ સંપૂર્ણપણે છવાઈ ગઈ છે. રાજ્યના મોટાભાગના શહેરોમાં ભારે ઠંડી પડી રહી છે. અમદાવાદમાં ગઈ કાલે મહત્તમ તાપમાન 32.5 ડિગ્રી નોંધાયું હતું. નલિયાની સરખામણીએ વડોદરા અને અમરેલીમાં વધુ ઠંડીનો અનુભવ થયો હતો. આ બંને શહેરોમાં તાપમાન 15 ડિગ્રીથી નીચે નોંધાયું હતું, જેમાં વડોદરામાં 14.1 ડિગ્રી અને અમરેલીમાં 14.3 ડિગ્રી નોંધાયું હતું.

તાપમાનમાં કોઈ મોટા ફેરફારની અપેક્ષા નથી

હવામાન વિભાગની આગાહી મુજબ ગુજરાતના અનેક શહેરોમાં તાપમાનમાં ઘટાડો થશે. આગામી 3 દિવસ બાદ ગુજરાતમાં કડકડતી ઠંડી પડશે તેવી આગાહી પણ કરવામાં આવી છે. હવામાન વિભાગના જણાવ્યા અનુસાર આગામી 3 દિવસમાં ગુજરાતમાં લઘુત્તમ તાપમાનમાં 2-3 ડિગ્રીનો ઘટાડો થઈ શકે છે. જોકે, વેસ્ટર્ન ડિસ્ટર્બન્સની અસરને કારણે ગુજરાતના કેટલાક જિલ્લાઓમાં થોડા સમય માટે તાપમાનમાં સાધારણ ઘટાડો જોવા મળી શકે છે. રાજ્યમાં પવન પૂર્વથી પશ્ચિમ તરફ ફૂંકાઈ રહ્યો છે. આ કારણે તાપમાનમાં કોઈ મોટા ફેરફારની અપેક્ષા નથી.

ક્યાં કેટલી પડશે ઠંડી?

હવામાન વિભાગની આગાહી મુજબ અમદાવાદ, અરવલી, બનાસકાંઠા, જૂનાગઢ, કચ્છ, મોરબી, પાટણ, સુરેન્દ્રનગર, તાપી, વડોદરા સહિતના જિલ્લાઓમાં લઘુત્તમ તાપમાન 17 ડિગ્રી અને અમરેલી સહિતના જિલ્લાઓમાં 18 ડિગ્રી રહેવાની શક્યતા છે. દેવભૂમિ દ્વારકા, જામનગર, નવસારી, રાજકોટ, વલસાડમાં લઘુત્તમ તાપમાન એક ડિગ્રી રહેવાની શક્યતા છે. આ ઉપરાંત સાબરકાંઠા, પંચમહાલ, નર્મદા, મહેસાણા, ખેડા, ગાંધીનગર, બોટાદ, ભરૂચ, આણંદ સહિતના અનેક જિલ્લાઓમાં તાપમાન 16 ડિગ્રીથી ઓછું રહેવાની સંભાવના છે.

Share This Article