બોલિવૂડની એક એવી અભિનેત્રી જે હાલ 41 વર્ષની થઈ ચૂકી છે. આ અભિનેત્રી તેની એક્ટિંગની સાથે સાથે તેની સુંદરતાને લઈને પણ ચર્ચામાં રહેતી હોય છે. સલમાન ખાન સાથે આ અભિનેત્રીએ ડેબ્યૂ કર્યું હતું અને તે ફિલ્મ પણ હિટ સાબિત થઈ હતી. આ એક્ટ્રેસ પોતાની પર્સનલ લાઈફને લઈને પણ ચર્ચામાં રહેતી હોય છે. હાલ જ આ અભિનેત્રીએ કંઈક એવું નિવેદન આપ્યું છે, જેના કારણે તે ફરી ચર્ચામાં આવી છે.
અમે વાત કરી રહ્યા છે એક્ટ્રેસ ડેઝી શાહની. અભિનેત્રી 41 વર્ષની થઈ છતાં તેણે લગ્નને લઈને કોઈ પ્લાનિંગ નથી કર્યું તે જણાવે છે કે તેની જિંદગીમાં તેને કોઈ વ્યક્તિની જરૂર નથી. ડેઝી માને છે કે માણસની જિંદગીમાં પ્રેમ જેટલો જરૂરી છે તેટલા જ રૂપિયા પણ જરૂરી છે. પોતાના વિચારોને લઈને ડેઝી ઘણી ક્લિયર છે.
હાલમાં જ ડેઝીએ ફિલ્મીજ્ઞાન સાથે પોતાના લગ્નની યોજનાને લઈને વાત કરી. તેણે જણાવ્યું કે તેના જીવનમાં જેટલા પણ પુરુષો આવ્યા તેમને લાગ્યું કે ડેઝી તેમની સાથે લગ્ન કરશે જોકે એવું નથી. ડેઝીએ કહ્યું કે વાત રૂપિયા નથી કારણ કે હું પોતે મારા માટે સારી કમાણી કરું છું.
વધુમાં ડેઝીએ કહ્યું કે “હું બસ કોઈ છોકરાની મા નથી બની શકતી. મારી પાસે પોતાના રૂપિયા છે પરંતુ તમારે પણ તેટલા કમાવા પડશે. સારી સારી વાતો શરૂમાં સારી લાગે છે બાદમાં નહીં. રોજ કંઈકને કંઈક થઈ રહ્યું છે કોઈને કોઈ કપલ અલગ થઈ રહ્યું છે. આ ઘણું ડરામણું છે.” ડેઝીએ આ બધા વચ્ચે જણાવ્યું કે “લગ્નને લઈને મારી કોઈ બીજા વિચારો નથી. મેં બધું ભગવાન પર છોડી દીધું છે. મને નથી લાગતું કે પરિવાર બનાવવા માટે લગ્ન કરવા જોઈએ. મેં મારા એગ્સ ફ્રીઝ કરાવી દીધા છે. જેથી હું ક્યારેકને ક્યારેક મા બની શકું છું. મારું બાળક હું કરી શકું છું.”
ડેઝીએ જણાવ્યું કે “મેં મારી જિંદગી સાથે જે પણ ઈચ્છા રાખી તે મળ્યું છે. મેં મારા ઘરનું સપનું જોયું મને મળ્યું. પરિવાર માટે સારી જિંદગી ઈચ્છતી તે પણ મળી. મારી પાસે મારા 2 પેટ ડોગ્સ છે અને હું ખુશ છું.”
આપને જણાવી દઈએ કે ડેઝીનું નામ પ્રખ્યાત કોરિયોગ્રાફર ગણેશ આચાર્ય અને રિયાલિટી સ્ટાર શિવ ઠાકરે સાથે જોડાઈ ચૂક્યું છે. જોકે ડેઝીએ હંમેશા આ સંબંધોને લઈને ના પાડી છે. ડેઝી પોતાની પર્સનલ લાઈફને પ્રાઈવેટ રાખવાનું પસંદ કરે છે. ઉલ્લેખનીય છે કે ડેઝીએ અગાઉ નામ લીધા વગર કહ્યું હતું કે તેના ભૂતકાળમાં દરેક રિલેશનશિપ્સ ઘણા ટોક્સિક રહ્યા હતા. એક વ્યક્તિએ તો તેને અન્ય મેલ એક્ટર્સ સાથે કામ કરવાની પણ ના પાડી દીધી હતી.
