અનુષ્કા શર્માને પાથબ્રેકિંગ પ્રોડ્યુસર માટે દાદાસાહેબ ફાળકે એવોર્ડ એનાયત કરવામાં આવશે. આ ખબર આવતાની સાથે જ તેના ફેન્સ ખુબ ખુશ થઇ ગયા હતા. હવે બેસ્ટ એક્ટર માટે પદ્માવતના એક એક્ટરને દાદાસાહેબ ફાળકે એવોર્ડ એનાયત કરવામાં આવશે.
ફિલ્મ પદ્માવતમાં તેની જબરજસ્ત એક્ટિંગ દ્વારા દરેકને પ્રભાવિત કરનાર ટેલેન્ટેડ એક્ટર રણવીર સિંહને બેસ્ટ એક્ટર માટે દાદાસાહેબ ફાળકે એવોર્ડ એનાયત થવાનો છે. પદ્માવતમાં અલ્લાઉદીન ખીલજીના પાત્ર દ્વારા દરેકના દિલમાં પોતાની જગ્યા બનાવનાર રણવીર દરેક પાત્ર જાણે પોતે જ જીવી રહ્યો હોય તેવી રીતે જ ભજવે છે. જે-તે પાત્રની ઉંડાઇમાં ઉતરી જાય છે અને પાત્રને પૂરેપૂરો ન્યાય આપે છે.
દાદાસાહેબ ફાળકે એવોર્ડ સાથે રણવીરનો જૂનો સંબંધ છે. 2011માં રણવીરે બેંડ બાજા બારાત દ્વારા ડેબ્યૂ કર્યુ હતુ. તે ફિલ્મ માટે રણવીરને બેસ્ટ મેલ ડેબ્યુ માટે દાદાસાહેબ ફાળકે એવોર્ડ આપવામાં આવ્યો હતો. હવે ફરી એક વાર બેસ્ટ મેલ એક્ટર માટે એવોર્ડ આપવામાં આવશે.
ક્રિટીક્સે રણવીરની એક્ટિંગને ખૂબ વખાણી છે. રણવીરની ફિલ્મ ભલે બોક્સઓફિસ પર કંઇ ઉકાળી ના શકી હોય પરંતુ તેની એક્ટિંગના ભરપૂર વખાણ થયા છે. લૂટેરા, ગૂંડે, કિલ-દિલ અને બેફિકરે એના તાજા ઉદાહરણ છે.
એવોર્ડ સિવાય પણ રણવીર બીજી એક ન્યૂઝને લીધે ચર્ચામાં રહે છે. તે ન્યૂઝ છે પદ્માવતની તેની કો-એક્ટર દિપીકા પાદુકોણ સાથે લગ્ન કરવાના. છેલ્લા ઘણી સમયથી રણવીર અને દિપીકાના લગ્ન વિષે નવા નવા રુમર્સ વહેતા થયા છે. રણવીર અને દિપીકાના પરિવાર પણ એકબીજાના પરિવાર સાથે વાત કરી ચૂક્યા છે. હવે બંને ક્યારે લગ્ન કરે છે તે જોવુ રહ્યું.
