જો તમે એવા લોકોમાં સામેલ છો જેમને કોફી ખુબ પસંદ છે. કોફીના એક કપ વગર આપના દિવસની શરૂઆત પણ થતી નથી તો આ સમાચાર આપના માટે સારા છે. હાલમાં જ કરવામા આવેલા અભ્યાસમાં દાવો કરવામાં આવ્યો છે કે એક દિવસમાં જા ૨૫ કપ કોફી પી લેવામાં આવે તો પણ હાર્ટનુ નુકસાન નથી. હાર્ટ અને રક્તવાહિનીને એક દિવસમાં ૨૫ કપ કોફી પીવામાં આવે તો પણ તેનાથી નુકસાન નથી. આ અભ્યાસ કરનાર મોટા ભાગના નિષ્ણાંતોનુ માનવુ છે કે કોફી પીવાથી રક્તવાહીનીમાં સોફ્ટનેસ ખતમ થવાની કોઇ શંકા નથી.
અગાઉના કેટલાક અભ્યાસમાં દાવો કરવામાં આવ્યો હતો કે કોફી હાર્ટને નુકસાન કરે છે. હકીકતમાં ધમનીઓ અમારા હાર્ટથી ઓક્સીજન અને પૌષક તત્વોને શરીરના અન્ય ભાગ સુધી પહોંચાડી દેવાનુ કામ કરે છે. પરંતુ તે સોફ્ટ રહેતી નથી અને કઠોર બની જાય છે. જેના કારણે હાર્ટ પર પ્રેશરની સ્થિતી આવે છે. જથી વ્યક્તિને હાર્ટ અટેક અથવા તો હાર્ટ સ્ટ્રોકનો ખતરો રહે છે. અગાઉના અભ્યાસના તમામ તારણ અલગ આવ્યા છે.
અગાઉના અભ્યાસમાં દાવો કરવામાં આવ્યો હતો કે કોફીથી ધમનીઓ કઠોર બની જાય છે. બ્રિટનમાં આઠ હજારથી વધારે લોકોને આવરી લઇને કરવામાં આવેલા નવા અભ્યાસમાં કેટલીક ચોંકાવનારી બાબત સપાટી પર આવી છે. એક કપ કોફી પીનાર લોકોની સરખામણી દિવસમાં ૨૫ કપ કોફી પીનાર લોકો સાથે કરવામાં આવી હતી. અભ્યાસ બાદ જારી કરવામાં આવેલા કેટલાક તારણ સાથે લોકો સહમત નથી.
