અમદાવાદ: ICC પુરુષ T20 વર્લ્ડ કપ 2026 અંતર્ગત ભારત અને નેધરલેન્ડ્સ વચ્ચે રમાયેલી મેચ દરમિયાન અમદાવાદમાં ‘મૈદાન સાફ’ અભિયાન અમલમાં મૂકાયું. આનંદના – કોકા-કોલા ઇન્ડિયા ફાઉન્ડેશન દ્વારા ICC સાથે સહયોગમાં આયોજિત આ પહેલનો મુખ્ય ઉદ્દેશ સ્ટેડિયમ પરિસરમાં ઉત્પન્ન થતા કચરાનું સુવ્યવસ્થિત સંચાલન અને સ્ત્રોતે જ સચોટ વર્ગીકરણ સુનિશ્ચિત કરવો હતો.
મેચ દરમિયાન એકત્રિત થયેલ કચરામાં ફૂડ વેસ્ટ , પાણીની બોટલો, કોલ્ડ ડ્રિન્ક કપ, નાસ્તાના પેકેટ, પેપર પ્લેટ-કપ, પ્લાસ્ટિક તથા પોલિથિન સહિતના વિવિધ પ્રકારના કચરાનો સમાવેશ થયો હતો. સ્થળ પર સ્પષ્ટ રીતે ચિહ્નિત સેગ્રેગેશન પોઇન્ટ્સ સ્થાપિત કરવામાં આવ્યા હતા, જ્યાં વોલન્ટિયર્સ અને સ્થાનિક ટીમોની દેખરેખ હેઠળ કચરાનું પ્રાથમિક વર્ગીકરણ કરાવ્યું.
આ અભિયાન એવી રીતે આયોજનબદ્ધ કરવામાં આવ્યું હતું કે દર્શકોના રમતિયાળ અનુભવમાં કોઈ વિક્ષેપ ન પડે અને સાથે સાથે સ્વચ્છતા જળવાઈ રહે. અધિકારીઓના જણાવ્યા અનુસાર, એકત્રિત કચરાને યોગ્ય પ્રોસેસિંગ ચેનલમાં મોકલી રિસાયક્લિંગ અને જવાબદાર નિકાલ માટે સુનિશ્ચિત વ્યવસ્થા કરવામાં આવી. ‘મૈદાન સાફ’ અભિયાન દ્વારા ફરી એકવાર સ્પષ્ટ થયું છે કે મોટા પાયાના રમતગમત કાર્યક્રમોમાં પણ પર્યાવરણ પ્રત્યેની જવાબદારી અને સુવ્યવસ્થિત કચરા વ્યવસ્થાપન સફળતાપૂર્વક અમલમાં મૂકી શકાય છે.
