મુંબઈ : બોલિવુડ અભિનેત્રી દીપિકા પાદુકોણ બોલિવુડની નંબર વન અભિનેત્રી છે. દીપિકા પાદુકોણ હાલમાં માતા બની છે જેથી કામમાંથી બ્રેક લીધો છે. પરંતુ શું તમે જાણો છો કે, દીપિકા પાદુકોણ દરરોજ કરોડો રુપિયા કમાય છે. તો દીપિકા પાદુકોણની નેટવર્થ વિશે જાણો.
બોલિવુડની નંબર વન અભિનેત્રી દીપિકા પાદુકોણ આજે પોતાનો 39મો જન્મદિવસ સેલિબ્રેટ કરી રહી છે. હાલમાં એક દીકરીની માતા બનેલી દીપિકાએ હાલમાં ફિલ્મમાંથી બ્રેક લીધો છે. હજુ સુધી એક પણ ફિલ્મ સાઈન કરી નથી. દીપિકા પાદુકોણ બોલિવુડની સૌથી મોંઘી અભિનેત્રીમાંથી એક છે. તે એક ફિલ્મ માટે 20 થી 30 કરોડ રુપિયાનો ચાર્જ લે છે. તે પોતાની એક્ટિંગ , સ્વભાવથી અન્ય અભિનેત્રીઓથી અલગ છે. દીપિકા પાદુકોણ બોલિવુડ ઈન્ડસ્ટ્રીને અનેક હિટ ફિલ્મો આપી ચૂકી છે. જેના કારણે તેની નેટવર્થમાં પણ ફાયદો થયો છે.
રિપોર્ટ મુજબ દીપિકા પોતાના પતિથી વધારે કમાણી કરે છે. દીપિકા પાદુકોણની નેટવર્થ 500 કરોડ રુપિયા છે. તે જાહેરાત, ફિલ્મો અને બ્યુટી બ્રાન્ડથી કરોડો રુપિયાની કમાણી કરે છે. પોતાની એક્ટિંગ કરિયર સિવાય દીપિકા પાદુકોણે વિવિધ સફળ બ્રાન્ડ્સ અને બિઝનેસમાં રોકાણ કરીને તેની નેટવર્થમાં વધારો કર્યો છે. દીપિકા અને તેના પતિ અભિનેતા રણવીર સિંહ, મુંબઈ અને વિદેશમાં ઘણી મિલકતો ધરાવે છે, જે તેમની વૈભવી લાઈફ સ્ટાઈલ દર્શાવે છે. દીપિકા પાદુકોણ તેના પતિ સાથે મુંબઈમાં રહે છે. દીપિકા પાદુકોણે 2013માં 16 કરોડ રુપિયાનું ઘર ખરીદ્યું હતુ. પોતાના પતિ રણવીર સિંહની સાથે બાંદ્રામાં 119 કરોડ રુપિયામાં એક લક્ઝુરિયસ ક્વાડ્રૂપ્લેક્સ ખરીદ્યું છે, આ કપલ પાસે વરલીના બ્યુમોન્ડે ટાવર્સમાં 40 કરોડ રૂપિયાનો એપાર્ટમેન્ટ છે અને અલીબાગમાં એક સુંદર બંગલો 22 કરોડ રૂપિયામાં ખરીદ્યો છે.
