લોસએન્જલસ : હોલિવુડની સુપરહિટ ફિલ્મ સિરિઝ એવેન્જર્સ ઇન્ફ્રિનિટી વોરના અંતને નિહાળવા માટે ચાહકોમાં ભારે ઉત્સુકતા દેખાઇ રહી છે. આગામી પાર્ટને લઇને હવે જોરદાર ચર્ચા જામી છે. ત્રીજા ભાગમાં કેટલાક સુપરહિરોના મોત બાદ હવે ચાહકો એ બાબતને જાવા માટે ઇચ્છુક છે કે આખરે ચોથા ભાગમાં પટકથા શુ વળાંક લેનાર છે. મોટા ભાગના ચાહકો આશા રાખી રહ્યા છે કે આ પાર્ટમાં કેટલાક ફેન્સને જીવિત કરવામાં આવનાર છે. એવેન્જર્સના નવા પાર્ટને લઇને છેલ્લા કેટલાક દિવસથી ચર્ચા ચાલી રહી છે. પટકથા અને પાત્રોને લઇને કેટલીક વિગત સપાટી પર આવી રહી છે.
જો કે આ કેટલા યોગ્ય છે તેને લઇને કોઇ વાત કરવામાં આવી નથી. હવે એજેન્જર્સ -૪ સાથે જોડાયેલી નવી વિગત સપાટી પર આવી રહી છે. રિપોર્ટ પર વિશ્વાસ કરવામાં આવે તો આ ફિલ્મ માટે ટ્રેલર આ વર્ષે નવેમ્બરમાં રજૂ કરવામાં આવશે. મુવીના નામને લઇને કેટલાક અટકળો કરવામાં આવી રહ્યા છે. ફિલ્મ એવેન્જર્સ -૪ના ટ્રેલરને લઇને તેમજ મ્યુઝિકને લઇને પણ કેટલાક અહેવાલ સપાટી પર આવ્યા છે. સોશિયલ મિડિયા પર ચાલી રહેલા રિપોર્ટમાં કહેવામાં આવ્યુ છે કે આમાં ટ્વેલ્વ ટાઇટન્સના સોન્ગ ડસ્ટ એન્ડ લાઇટનો ઉપયોગ કરવામાં આવી શકે છે. તમામ જાણકાર લોકો માની રહ્યા છે કે આ ફિલ્મ મે ૨૦૧૯માં રજૂ કરવાની યોજના છે.
અગાઉની ફિલ્મો સુપરહિટ સાબિત થયા બાદ નવી ફિલ્મને લઇને કરોડો ચાહકો આશાવાદી અને ઉત્સુક બનેલા છે. ફિલ્મના સુપરહિરોને લઇને ખાસ ચર્ચા જોવા મળી રહી છે. પાત્રોના લુકને લઇને કેટલીક વિગત જાહેર થઇ રહી છે. જો કે વાસ્તવિકતા શુ છે તે બાબત તો ફિલ્મ રજૂ થયા બાદ જ જાણી શકાશે. હોલિવુડ અને બોલિવુડ કલાકારો પણ ફિલ્મને લઇને ઉત્સુક બનેલા હોવાનુ જાણવા મળ્યુ છે.
