મથુરાની શાહી ઈદગાહ મસ્જિદના મુદ્દે અલ્હાબાદ હાઈકોર્ટનો મોટો ર્નિણય આવ્યો છે. કોર્ટે મથુરાની શાહી ઈદગાહ મસ્જિદ પર સર્વેને મંજૂરી આપી દીધી છે. અલ્હાબાદ હાઈકોર્ટમાં ASI સર્વેની માંગ કરતી અરજી દાખલ કરવામાં આવી હતી. મથુરામાં શ્રી કૃષ્ણના જન્મસ્થળને અડીને આવેલી મસ્જિદમાં એડવોકેટ પાસેથી સર્વે કરાવવાની માંગણી કરવામાં આવી હતી. આમાં ૧૮ અલગ-અલગ અરજીઓ દાખલ કરવામાં આવી હતી. અલ્હાબાદ હાઈકોર્ટે ગુરુવારે આ કેસની એકસાથે સુનાવણી કરી. સર્વેને મંજૂરી આપવાની સાથે હાઈકોર્ટે સ્પષ્ટ ફોટોગ્રાફી અને વીડિયોગ્રાફી કરવા જણાવ્યું છે. જાે કે, આ સર્વે જ્ઞાનવિપહીથી થોડો અલગ હશે. કારણ કે કોર્ટે ત્યાં સાયન્ટિફિક સર્વે કર્યો હતો, જે શાહી ઇદગાહ મસ્જિદમાં નહીં થાય. સર્વે માટે એડવોકેટ કમિશનર કોણ હશે? સર્વે માટે કેટલા દિવસ આપવામાં આવશે? આ અંગે અલ્હાબાદ હાઈકોર્ટમાં ૧૮મી ડિસેમ્બરે સુનાવણી હાથ ધરવામાં આવશે. શ્રી કૃષ્ણ જન્મભૂમિ મુક્તિ નિર્માણ ટ્રસ્ટે કોર્ટના ર્નિણયનું સ્વાગત કર્યું છે.. ટ્રસ્ટના મુખ્ય વાદી ભૃગુવંશી આશુતોષ પાંડેએ કહ્યું કે આ કરોડો હિન્દુઓની આસ્થાનો મામલો છે. ભગવાન ફક્ત આપણા છે. અયોધ્યા અમારી બની. હવે મથુરાનો વારો છે. આ મામલે શ્રી કૃષ્ણ જન્મભૂમિ મુક્તિ નિર્માણ ટ્રસ્ટે કહ્યું કે તે અગાઉ સુપ્રીમ કોર્ટમાં ગયો હતો. સુપ્રીમ કોર્ટે ૨૨ સપ્ટેમ્બર ૨૦૨૩ના રોજ કહ્યું હતું કે તમારે હાઈકોર્ટમાં જવું જાેઈએ. તમને ત્યાં સાંભળવામાં આવશે. આ પછી, સુનાવણી દરમિયાન કોર્ટે તેમના પક્ષમાં મોટો ચુકાદો આપ્યો. મથુરાની કૃષ્ણ જન્મભૂમિ-શાહી ઈદગાહ મસ્જિદ વિવાદને લઈને હાઈકોર્ટમાં અરજી દાખલ કરવામાં આવી હતી. આ અરજી પર સુનાવણી કરતા જસ્ટિસ મયંક કુમાર જૈને ૧૬ નવેમ્બરે ર્નિણય સુરક્ષિત રાખ્યો હતો. આ અરજી ઓર્ડર ૨૬ નિયમ ૯ હેઠળ દાખલ કરવામાં આવી હતી. શાહી ઇદગાહ મસ્જિદે કોર્ટમાં પોતાનો પક્ષ રજૂ કર્યો હતો. આ અરજી ભગવાન શ્રી કૃષ્ણ વિરાજમાન અને અન્ય સાત લોકો દ્વારા એડવોકેટ હરીશંકર જૈન, વિષ્ણુ શંકર જૈન, પ્રભાષ પાંડે અને દેવકી નંદન દ્વારા દાખલ કરવામાં આવી હતી. આ અરજીમાં દાવો કરવામાં આવ્યો હતો કે તે મસ્જિદની નીચે ભગવાન કૃષ્ણનું જન્મસ્થળ છે અને એવા ઘણા ચિહ્નો છે જે સાબિત કરે છે કે મસ્જિદ એક હિન્દુ મંદિર છે.
Sembcorp took part in the 4th Global Re-Invest 2024 Summit.
The summit served as a platform for industry leaders, policymakers, and innovators to discuss the future of renewable energy in...
Read more