જાણો એરટેલ કોની સાથે ભાગીદારી કરી આપી રહ્યું છે માત્ર રૂ.૩,૯૯૯માં ૪જી સ્માર્ટફોન?

ભારતની અગ્રણી ટેલિકેમ્યુનિકેશન્સ સર્વિસ પ્રોવાઇડર ભારતી એરટેલ તેની મેરા પેહલા સ્માર્ટફોન પહેલ અંતર્ગત પોષાય તેવી કિંમતે ૪જી સ્માર્ટફોન ઉપલબ્ધ કરાવશે. આ માટે એરટેલ અને મોટોરોલા ઇન્ડિયાએ પોતાની ભાગીદારીની જાહેરાત કરી છે.

આ ભાગીદારી અંતર્ગત મોટોરોલાના બે પ્રખ્યાત ૪જી સ્માર્ટફોન મોટો સી અને મોટો ઈ૪ અને લેનોવો તરફથી લેનોવો કે૮ નોટ રૂપિયા ૨૦૦૦ની કેશબેક ઓફર સાથે ઉપલબ્ધ બનશે. આ તમામ સ્માર્ટફોન એરટેલ દ્વારા ઓફર કરવામાં આવી રહેલા સ્પેશિયલ રિચાર્જ પેક સાથે ઉપલબ્ધ રહેશે, જેમાં પ્રતિદિન ૧જીબી ડેટા અને અમર્યાદિત લોકલ અને એસટીડી કોલિંગ ધરાવે છે.