બિગ બોસ ૧૬ના ઘરમાં અબ્દુ રોઝીકની સફર પૂરી થઇ ગઇ છે. દર્શકોના ઓછા વોટ મળવાને કારણે નહીં, પરંતુ બિગ બોસ સાથેનો તેનો કોન્ટ્રાક્ટ ખતમ થઈ જવાથી અબ્દુ બહાર થયો છે. આ કારણે તે હવે શોમાં જોવા મળતો નથી. શો છોડ્યા બાદ લોકો તેને ખૂબ જ મિસ કરી રહ્યા છે. જોકે, હવે બિગ બોસ ૧૬ હાઉસના સૌથી ફેવરિટ અબ્દુના ફેન્સને સરપ્રાઇઝ મળવાની છે. અબ્દુ બિગ બોસ ૧૬માં પાછો ફરી શકે છે.
પરંતુ ટિ્વસ્ટ સાથે. તે વિકેન્ડ કા વારમાં જોવા મળી શકે છે. બિગ બોસ ૧૬ના એક ફેન પેજે ટિ્વટર પર એક પોસ્ટ કરી હતી. તેમાં ઉમેર્યું હતું કે અબ્દુ રોઝીક તેના નવા ગીત ‘પ્યાર’ના પ્રમોશન માટે આ શોમાં આવી શકે છે. તે વીકેન્ડ કા વારમાં દેખાશે. આ સમાચાર એક ફેન પેજ દ્વારા શેર કરવામાં આવ્યા છે, જેના વિશે કોઈ સત્તાવાર જાહેરાત કરવામાં આવી નથી. જો કે આ ખબરથી તેના ફેન્સ ઘણા ખુશ છે અને તેઓ અબ્દુને ફરી એકવાર શોમાં જોવા માટે બેતાબ છે. અબ્દુ ઘરની બહાર નીકળ્યા બાદ ઘરમાં સભ્યોને દુઃખ થયું હતું. બધાની આંખો ભીની હતી. શિવ ઠાકર રડતો જોવા મળ્યો હતા.
આ સિવાય નિમ્રિત કૌર આહલુવાલિયા અબ્દુની વિદાયથી ખૂબ જ નિરાશ દેખાઈ રહી હતી. બધા ઘરના સાથીઓ અબ્દુ સાથેની તેમની સુંદર યાદોને યાદ કરીને રડ્યા હતા. જોકે, શોમાંથી બહાર આવતા જ અબ્દુ રોઝીકે ફેન્સને એક ગિફ્ટ આપી હતી. અબ્દુ રોઝીકનું નવું ગીત ‘પ્યાર’ રિલીઝ થઈ ગયું છે. આ વિડીયોને યૂટ્યૂબ પર ખૂબ જોવામાં આવી રહ્યો છે. પોતાના પહેલા ગીત ‘છોટા ભાઈજાન’ બાદ અબ્દુ રોઝીકે હિન્દીમાં પોતાનું બીજું ગીત પણ ગાયું છે. ગીતમાં અબ્દુનો અવાજ અને તેની હિન્દી સાંભળીને ચાહકો આશ્ચર્યચકિત થઈ ગયા છે. તાજિક ગાયિકાનું નવું ગીત રિલીઝ થયા બાદથી જ દર્શકો તેના પર ખૂબ જ પ્રેમ વરસાવી રહ્યા છે. ‘પ્યાર’માં અબ્દુ રોઝીકનો અવાજ સાંભળ્યા બાદ અને તેની હિંદીમાં થયેલા સુધારા બાદ યૂઝર્સ તેના ખૂબ જ વખાણ કરી રહ્યા છે. અબ્દુ રોઝીકના આ ગીતને અત્યાર સુધી ૨ લાખથી વધુ વખત જોવામાં આવ્યું છે.
