આધ્યાત્મિક ચેતનાથી રાષ્ટ્ર ચેતનાના અભિયાન અંતર્ગત સામાજિક સશક્તિકરણ અને આસ્થા – એકતા-ઊર્જા અને શક્તિના ધામ સમા વિશ્વ ઉમિયાધામમાં જગત જનની મા ઉમિયાના વિશ્વના સૌથી ઊંચા મંદિરનું નિર્માણ કાર્યપૂરજોશમાં ચાલી રહ્યું છે. ત્યારે ન માત્ર ભારત પણ વિદેશની ધરતી પર વસતા મા ઉમિયાના ભક્તો માટે મંગળવારે NRI સ્નેહમિલન અને અભિવાદન સમારોહનું આયોજન કરાયું હતું. જેમાં અમેરિકા-કેનેડા-ઓસ્ટ્રેલિયા-આફ્રિકા- ન્યુઝીલેન્ડ અને UKના 250થી વધુ NRI પરિવારજનો ઉપસ્થિતિ રહ્યા હતા.NRI સ્નેહમિલન અને અભિવાદન સમારોહમાં અમેરિકામાં આવેલા તમામ 6 જેટલા ઉમિયાધામના પ્રમુખશ્રીઓ વિશ્વઉમિયાધામના મહેમાન બન્યા હતા. તો વળી અમેરિકાના 25થી વધુ શહેરના NRI પરિવારજનોએ કાર્યક્રમની શોભા વધારી હતી.
આ પ્રસંગે વાત કરતા સંસ્થાના પ્રણેતા અને પ્રમુખશ્રી આર. પી. પટેલ જણાવે છે કે દુનિયાભરના ઉમિયા માતાજી મંદિરનું વિશ્વઉમિયાધામ સાથે વૈશ્વિક જોડાણ કરાશે. આગામી સમયમાં અમેરિકા-કેનેડા-UK-આફ્રિકા- ઓસ્ટ્રેલિયા અને ભારત એમ 7 દેશમાં વિશ્વઉમિયાધામ પ્રિમિયર ક્રિકેટ લિગ રમાડવામાં આવશે. વધુમાં આર.પી.પટેલ જણાવે છે કે આ કાર્યક્રમથી NRI પરિવારજનો દેશ પ્રત્યેની લાગણી વધારવાનો છે. તેમજ અમેરિકામાં થતી વિવિધ પ્રવૃતિઓની ચર્ચા કરવાનો છે.
મહત્વનું છે કે અમેરિકાના 6 વિવિધ રાજ્યોમાં જગત જનની મા ઉમિયાના ધામ છે, જેમના પ્રમુખશ્રી એવમ્ હોદ્દેદારશ્રીઓ ઉપસ્થિત રહ્યા હતા.
અમેરિકા સ્થિત ઉમિયાધામ
- ન્યુજર્સી – એડિશન
- શિકાગો
- રિચમંડ
- મેકન
- બોસ્ટન
- નેન્શવિલે
