કરન જોહરની આગામી ફિલ્મ ‘સ્ટુડન્ટ ઓફ ધ યર-2’ની લીડ એક્ટ્રેસ અનન્યા પાંડે આ ફિલ્મના લીધે ઘણા સમય પહેલાથી જ ચર્ચામાં છે. હાલમાં જ અનન્યા એક કાર એક્સિડેંટમાં મરતા મરતા બચી છે. અનન્યા પાંડે ચંકી પાંડેની દિકરી છે. ચંકીની જેમ પોતે પણ ફિલ્મ ઇન્ડસ્ટ્રીમાં પગદંડો જમાવવા અનન્યાએ કરન જોહરની ફિલ્મ સ્ટુડન્ટ ઓફ ધ યરનું શૂટિંગ શરૂ કરી દીધુ છે.
અનન્યા પાંડે કરન જોહરની ફિલ્મમાં વ્યસ્ત છે, ત્યારે એક સીનમાં અનન્યાએ ગાડી ચલાવવાની હતી. આમ તો અનન્યા ખૂબ સારુ ડ્રાઇવ કરી લે છે. પરંતુ આ વખતે ફિલ્મના સિનમાં બ્રેક વાગી નહી અને કાર એક ઝાડ સાથે ટકરાઇ ગઇ. જાણવા મળ્યું છે કે આ દુર્ઘટનામાં અનન્યાને કાંઇ વાગ્યુ નહોતું. અનન્યાએ પહેલાથી જ સેફ્ટી ગિયર્સ પહેરી રાખ્યા હતા. આ ઘટના બાદ અનન્યા એકદમ નોર્મલ દેખાઇ હતી. તેણે આ ઘટના બાદ પણ શૂટિંગ ચાલુ રાખ્યુ હતું. કરન જોહરના પ્રોડક્શનમાં બની રહેલી સ્ટુડન્ટ ઓફ ધ યર-2ને પુનીત મલ્હોત્રા ડિરેક્ટ કરી રહ્યાં છે.
ફિલ્મનું એક શિડ્યુએલ મસૂરીમાં અને ઋષિકેશમાં શૂટ કરવામાં આવી રહ્યું છે. આ ફિલ્મ સ્ટુડન્ટ ઓફ ધ યરની સિકવન્સ છે. સ્ટુડન્ટ ઓફ ધ યર દરમિયાન વરુણ આલિયા અને સિદ્ધાર્થે ડેબ્યુ કર્યું હતું. આ ફિલ્મ દ્વારા અનન્યા પાંડે ડેબ્યુ કરી રહી છે.
