અફઘાનિસ્તાન સામેની ત્રીજી ટી-20 મેચમાં ભારતીય ઓપનર અભિષેક શર્માએ તોફાની બેટિંગ કરતાં માત્ર 30 બોલમાં સદી ફટકારી હતી. આ સાથે અભિષેક ટી-20 ક્રિકેટમાં સૌથી ઝડપી સદી ફટકારનાર ભારતીય બેટર બની ગયો છે. જ્યારે ટી-20 ઈન્ટરનેશનલમાં સૌથી ઝડપી સદી ફટકારનાર વિશ્વનો ત્રીજો બેટર બન્યો છે. આ ઉપરાંત ટેસ્ટ પ્લેઇંગ નેશન સામે સૌથી ઝડપી ટી-20 ઈન્ટરનેશનલ સદી ફટકારવાનો રેકોર્ડ પણ હવે અભિષેકના નામે થઈ ગયો છે.
સૌથી ઝડપી સદી ફટકારનાર બેટર
સાહિલ ચૌહાણ – 27 બોલ
મુહમ્મદ ફહદ – 29 બોલ
અભિષેક શર્મા – 30 બોલ
જાન નિકોલ લોફ્ટી-ઈટન – 33 બોલ
સિકંદર રઝા – 33 બોલ
ફિન એલન – 33 બોલ
કુશલ મલ્લા – 34 બોલ
ડેવિડ મિલર – 35 બોલ
રોહિત શર્મા – 35 બોલ
વિક્રમસેકરા – 35 બોલ
કુશલ ભુરતેલ – 35 બોલ
અભિષેક શર્મા – 37 બોલ
શેખ રસિક – 37 બોલ
અભિષેક શર્માએ મેદાન પર ઉતરતાની સાથે જ ધમાકેદાર બેટિંગ શરૂ કરી હતી. અફઘાનિસ્તાનના બોલરો પાસે તેની આક્રમક બેટિંગને રોકવાનો કોઈ ઉપાય જોવા મળ્યો નહોતો. અભિષેકને સંજુ સેમસને પણ શાનદાર સાથ આપ્યો હતો. બંનેની તોફાની બેટિંગના કારણે ભારતે પ્રથમ 6 ઓવરમાં જ 100 રનનો આંકડો પાર કરી લીધો હતો. ટી-20 ઈન્ટરનેશનલમાં ભારતે પ્રથમ વખત પાવરપ્લેમાં 100થી વધુ રન બનાવ્યા છે.
ટેસ્ટ પ્લેઇંગ ટીમો સામે સૌથી ઝડપી T20I સદી
30 બોલ – અભિષેક શર્મા વિ. અફઘાનિસ્તાન, 2026
33 બોલ – ફિન એલન વિ. દક્ષિણ આફ્રિકા, 2026
35 બોલ – ડેવિડ મિલર વિ. બાંગ્લાદેશ, 2017
35 બોલ – રોહિત શર્મા વિ. શ્રીલંકા, 2017
37 બોલ – અભિષેક શર્મા વિ. ઈંગ્લેન્ડ, 2025
37 બોલ – ટિમ ડેવિડ વિ. વેસ્ટ ઈન્ડિઝ, 2025
ભારતીય ઓપનર્સ અભિષેક શર્મા અને સંજુ સેમસનની જબરદસ્ત બેટિંગે અફઘાનિસ્તાન સામે રનનો વરસાદ કર્યો હતો. અભિષેકે 34 બોલમાં 108 રનની તોફાની ઈનિંગ રમી હતી. તેની ઈનિંગમાં 9 ચોગ્ગા અને 11 છગ્ગાનો સમાવેશ થાય છે. તેણે 317.65ના સ્ટ્રાઈક રેટથી બેટિંગ કરી હતી. અભિષેક અને સંજુ સેમસને પ્રથમ વિકેટ માટે 9.5 ઓવરમાં 142 રનની ભાગીદારી કરી હતી.
ટી-20માં અભિષેકની 10મી સદી
ટી-20 ક્રિકેટમાં આ અભિષેક શર્માની 10મી સદી છે. આ સાથે તેણે ટી-20માં સૌથી વધુ સદી ફટકારનારા ભારતીય બેટરોમાં વિરાટ કોહલીની બરાબરી કરી છે. વિરાટ કોહલીએ પણ ટી-20 ક્રિકેટમાં 10 સદી ફટકારી છે. ટી-20 ક્રિકેટમાં સૌથી વધુ સદી ફટકારવાનો રેકોર્ડ ક્રિસ ગેલના નામે છે. ગેલે 455 ઈનિંગ્સમાં કુલ 22 ટી-20 સદી ફટકારી છે.
સૌથી વધુ T20 સદી
22 – ક્રિસ ગેલ (455 ઈનિંગ્સ)
13 – બાબર આઝમ (346 ઈનિંગ્સ)
10* – અભિષેક શર્મા (205 ઈનિંગ્સ)
10 – વિરાટ કોહલી (413 ઈનિંગ્સ)
10 – ક્વિન્ટન ડી કોક (449 ઈનિંગ્સ)
10 – ડેવિડ વોર્નર (438 ઈનિંગ્સ)
9 – ફાફ ડુ પ્લેસિસ (426 ઈનિંગ્સ)
9 – સાહિબઝાદા ફરહાન (175 ઈનિંગ્સ)
9 – રાઈલી રોસો (399 ઈનિંગ્સ)
9 – જોસ બટલર (496 ઈનિંગ્સ)
8 – માઈકલ ક્લિંગર (198 ઈનિંગ્સ)
8 – એરોન ફિન્ચ (380 ઈનિંગ્સ)
8 – રોહિત શર્મા (459 ઈનિંગ્સ)
8 – ગ્લેન મેક્સવેલ (491 ઈનિંગ્સ)
8 – કેએલ રાહુલ (240 ઈનિંગ્સ)
8 – સંજુ સેમસન (334 ઈનિંગ્સ)
8 – ક્રિસ લિન (312 ઈનિંગ્સ)
8 – જેમ્સ વિન્સ (489 ઈનિંગ્સ)
