Monkey Viral Video: સોશિયલ મીડિયા પર દરરોજ અનેક વીડિયો અપલોડ થતા હોય છે, જેમાં કેટલાક દ્રશ્યો ચોંકાવી દે તેવા હોય છે તો કેટલાક દિલને સ્પર્શી જાય એવા હોય છે. આવો જ એક વીડિયો હાલ સામે આવ્યો છે, જે એક કપિરાજ સાથે સંબંધિત છે. આ વીડિયો ઝડપથી ઈન્ટરનેટ પર વાયરલ થઈ ગયો છે અને લોકો વચ્ચે ચર્ચાનો વિષય બની ગયો છે. વીડિયોમાં દેખાતું દ્રશ્ય કોઈ ફિલ્મી સીનથી ઓછું નથી, જેના કારણે લોકો તેને જોઈને આશ્ચર્યચકિત પણ થઈ રહ્યા છે અને ભાવુક પણ બની રહ્યા છે.
કપિરાજે બચાવ્યો બાળકનો જીવ
ઈન્સ્ટાગ્રામ પર શેર કરાયેલા આ વીડિયોમાં જોવા મળે છે કે એક નાનું બાળક બાલ્કનીની રેલિંગ પરથી લટકતું હોય છે અને મદદ માટે બુમો પાડે છે. આ દ્રશ્ય ખૂબ જ ડરામણું છે, કારણ કે નાનકડી ભૂલ થાય તો બાળક માટે ખતરનાક સાબિત થઈ શકે. ત્યારે જ એક બંદરની નજર બાળક પર પડે છે. કોઈ પણ વિલંબ કર્યા વગર કપિરાજ તરત જ બાલ્કની તરફ કૂદી જાય છે અને ખૂબ જ સાવચેતીથી બાળકને પકડીને પોતાની ગોદમાં લઈ લે છે. આ આખું દ્રશ્ય એટલું આશ્ચર્યજનક છે કે જે કોઈ પણ આ વીડિયો જોઈ રહ્યો છે તે દંગ રહી જાય છે.
View this post on Instagram
વીડિયો સાચો કે એઆઈ?
જો કે, આ વીડિયો અંગે સોશિયલ મીડિયા પર ચર્ચા પણ તેજ બની છે. ઘણા લોકો તેને સાચો માની રહ્યા છે, જ્યારે કેટલાક લોકોનું માનવું છે કે આ વીડિયો આર્ટિફિશિયલ ઇન્ટેલિજન્સ (AI)ની મદદથી બનાવવામાં આવ્યો હોઈ શકે છે. આજના સમયમાં ટેકનોલોજી એટલી આગળ વધી ગઈ છે કે સાચા અને નકલી વીડિયોમાં ફરક કરવો મુશ્કેલ બની ગયો છે. તેમ છતાં આ વીડિયો ઝડપથી વાયરલ થઈ રહ્યો છે અને લોકો તેને વારંવાર જોઈ રહ્યા છે. આ વીડિયો ‘mojilo_vandro’ નામના ઈન્સ્ટાગ્રામ એકાઉન્ટ પરથી શેર કરવામાં આવ્યો છે. જોકે, તેની હકીકત અંગે કોઈ સત્તાવાર પુષ્ટિ થઈ નથી.
