અસમના મુખ્યમંત્રી હિમંત બિસ્વા સરમાએ મંગળવારે (2 ડિસેમ્બર 2025) પરિવારો માટે એક મોટી રાહતની જાહેરાત કરી. તેઓએ કહ્યું કે રાજ્યના લાખો પરિવારો માટે 300 રૂપિયા પ્રતિ સિલિન્ડર વાળા રાંધણ ગેસ હકીકત જલ્દી જ સાકાર થશે. ઓછી આવક વાળા પરિવારો પર રૂપિયાનું ભારણ ઓછું કરવાના હેતુથી શરૂ કરવામાં આવેલી પહેલમાં ઓરુનોદોઈ સ્કીમ અને પ્રધાનમંત્રી ઉજ્જ્વાલા યોજના અંતર્ગત લાભાર્થીઓને ઓલપીજી સિલિન્ડર પર 250 રૂપિયાની સબસિડી આપવામાં આવશે.
સોશિયલ મીડિયા પ્લેટફોર્મ ‘એક્સ’ પર કરેલી એક પોસ્ટમાં સર્માએ કહ્યું, “300 રૂપિયા માં રસોઈ ગેસ—અસમના લાખો પરિવારો માટે માત્ર એક સપનું નહિ, પણ ટૂંક સમયમાં હકીકત બનવા જઈ રહ્યું છે. અસમમાં ઓરુણોદોઇ પરિવારો અને પીએમ ઉજ્જ્વલા લાભાર્થીઓને જલ્દી જ રાજ્ય સરકાર તરફથી તેમના એલપીજી સિલિન્ડર પર 250 રૂપિયાની સબસિડી મળશે, જેથી મારા પરિવારજનોનું જીવન વધુ સરળ બનશે.”
કેવી રીતે મળશે આ યોજનાનો લાભ?
અધિકૃત સ્રોતોએ જણાવ્યું કે સબસિડી સીધી લાભાર્થીઓને જમા કરવામાં આવશે, જે પીએમ-યુવાય હેઠળ કેન્દ્ર સરકાર દ્વારા આપવામાં આવેલી હાલની સહાયમાં વધારો કરશે. આ પગલાથી આર્થિક રીતે નબળા પરિવારોના મોટા વર્ગને—ખાસ કરીને મહિલાઓને—લાભ થવાની અપેક્ષા છે, જે ઓરુણોદોઇ અને પીએમ-યુવાય બંનેની લાભાર્થી યાદીમાં મુખ્ય સ્થાન ધરાવે છે.
આ યોજના લાવવાનો હેતુ શું છે?
અસમની મહત્વની કલ્યાણકારી યોજનાઓમાંની એક ઓરુણોદોઇ યોજના હાલમાં જ જરૂરિયાતના ખર્ચા પૂરા કરવા પાત્ર પરિવારોને દર મહિને આર્થિક સહાય આપે છે. એલપિજીએ સબસિડીને આ યોજનામાં સામેલ કરીને, રાજ્ય સરકારની આશા છે કે વધતા ઘરખર્ચનો બોજ વધુ ઘટાડવામાં મદદ મળશે—ખાસ કરીને ત્યારે જ્યારે ગેસની કિંમતો ઓછા આવકવાળા વર્ગ માટે ચિંતા બની રહી છે.
આ જાહેરાતથી ગ્રામિણ અને શહેરી વિસ્તારોના ઓછા આવકવાળા લોકો ને રાહત મળવાની શક્યતા છે, જે રોજિંદી રસોઈ માટે સબસિડાયુક્ત સિલિન્ડર પર નિર્ભર છે. જોકે સરકારએ હજુ સુધી યોજનાની અમલની ચોક્કસ તારીખ જાહેર નથી કરી, પરંતુ અધિકારીઓએ જણાવ્યું છે કે સરળ અમલીકરણ માટે જરૂરી પ્રક્રિયામાં અંતિમ સ્પર્શ આપવામાં આવી રહ્યો છે. એલપિજિ વિતરણકારોને સબસિડી સિસ્ટમ વિશે વિગતમાં સમજાવવામાં આવશે અને સમાજ કલ્યાણ વિભાગ તેમજ ખાદ્ય અને નાગરિક પુરવઠા વિભાગ લાભાર્થીઓની ઓળખ અને સબસિડી વિતરણ માટે પરસ્પર સંકલન કરશે.
આ પહેલ સાથે અસમ પણ તે રાજ્યોમાં સામેલ થઈ ગયું છે, જે સ્થાનિક સ્તરે એલપિજિ સબસિડી વધારીને લોકોને ગેસના ભાવમાં થતા ઉતાર–ચઢાવથી બચાવવાનો પ્રયાસ કરી રહ્યા છે. આ દ્વારા સરકારના ‘સર્વાંગી વિકાસ’ અને જરૂરિયાતમંદ સુધી યોગ્ય લાભ પહોંચાડવાના ધ્યેયને વધુ મજબૂત બનાવાશે.
