Gujarat Police Recruitment: સરકારી નોકરીની તૈયારી કરતા યુવાનો માટે ખાસ કરીને પોલીસમાં નોકરી કરવા માગતા યુવાનો માટે મોટા સમાચાર સામે આવી રહ્યાં છે. ગુજરાત સરકાર દ્વારા ગુજરાત પોલીસ ભરતી બોર્ડે હાલ PSI કેડરની 858 જગ્યાઓ પર તથા લોકરક્ષક કેડરની અધધ 12933 જેટલી જગ્યાઓ એટલે કે કુલ 13591 જગ્યાઓ પર સીધી ભરતીની જાહેરાત કરવામાં આવી છે.
પો.સ.ઈ. કેડર(PSI Cadre)
1. બિન હથિયારી પોલીસ સબ ઇન્સ્પેક્ટર- 659
2. હથિયારી પોલીસ સબ ઈન્સ્પેક્ટર- 129
3. જેલર ગૃપ-2- 70
કુલ ખાલી જગ્યા – 858
PSI કેડરની શૈક્ષણિક લાયકાત:
ભારતમાં કેન્દ્ર સરકાર અથવા રાજ્ય સરકારના કાયદા હેઠળ સ્થાપિત કોઈપણ યુનિવર્સિટીમાંથી અથવા તો યુનિવર્સિટી ગ્રાન્ટ્સ કમિશન એક્ટ, 1956ની કલમ 3 હેઠળ યુનિવર્સિટી તરીકે માન્યતા પ્રાપ્ત કોઈપણ અન્ય શૈક્ષણિક સંસ્થામાંથી સ્નાતક(બેચલર ઉ.દા.B.A., B.Com)ની ડિગ્રી ધરાવતા ઉમેદવારો PSI કેડરની ભરતી માટે અરજી કરી શકે છે.
લોકરક્ષક કેડર(Lokrakshak Cadre)
બિન હથિયારી પોલીસ કોન્સ્ટેબલ- 6942
હથિયારી પોલીસ કોન્સ્ટેબલ- 2458
હથિયારી પોલીસ કોન્સ્ટેબલ (SRPF)- 3002
જેલ સિપોઈ (પુરૂષ)- 300
જેલ સિપોઈ (મહિલા / મેટ્રન)- 31
કુલ ખાલી જગ્યા -12933
શૈક્ષણિક લાયકાત
માધ્યમિક અને ઉચ્ચતર માધ્યમિક શિક્ષણ બોર્ડમાંથી ઉચ્ચતર-માધ્યમિક શાળાની પરીક્ષા પાસ કરી હોવાનું પ્રમાણપત્ર ધરાવતા એટલે કે ધોરણ 12 પાસ ઉમેદવારો અથવા સરકાર દ્વારા માન્ય સમકક્ષ લાયકાત ધરાવતા ઉમેદવારો લોકરક્ષક કેડરની ભરતીમાં અરજી કરી શકે છે. આ ઉપર જણાવેલી તમામ સંવર્ગની ખાલી જગ્યાઓની ભરતી અંગેની વિગત https://ojas.gujarat.gov.in વેબસાઈટ તથા ભરતી બોર્ડની વેબસાઈટ https://gprb.gujarat.gov.in ઉપર મુકવામાં આવનાર સૂચનાઓમાં દર્શાવવામાં આવશે.
કેવી રીતે કરશો અરજી?
પો.સ.ઈ. કેડર અને લોકરક્ષક કેડરની ભરતી અંગે વિગતવારની તમામ સૂચનાઓ (જાહેરાત) https://ojas.gujarat.gov.in વેબસાઇટ ઉપર તા.03/12/2025ના રોજ અપલોડ કરવામાં આવનાર છે. આ તમામ સૂચનાઓ (જાહેરાત) કાળજીપૂર્વક વાંચી નિયમોની પ્રવર્તમાન જોગવાઈઓ મુજબ લાયકાત પરિપૂર્ણ કરતા અને ઈચ્છા ધરાવતા ઉમેદવારોએ https://ojas.gujarat.gov.in વેબસાઈટ પર ઓનલાઈન અરજી કરવાની રહેશે.
ક્યારથી શરૂ થશે ભરતી પ્રક્રિયા?
પો.સ.ઈ. કેડર અને લોકરક્ષક કેડરની ઓનલાઈન અરજીઓ તા.03/12/2025 (બપોરના કલાક: 2 વાગ્યા)થી તા.23/12/2025 (રાતે 12 વાગ્યા) સુધી OJASની વેબસાઈટ http://ojas.gujarat.gov.in ઉપર સ્વીકારવામાં આવશે. ઉમેદવારોએ ઓનલાઇન અરજી કર્યા પછી કન્ફર્મ(CONFIRM) કરીને તેની પ્રિન્ટ કાઢી પોતાની પાસે રાખવાની રહેશે અને જ્યારે ભરતી બોર્ડ દ્વારા માંગવામાં આવે ત્યારે તે રજૂ કરવાની રહેશે.
