દક્ષિણ આફ્રિકાએ ગુવાહાટીમાં રમાયેલી બીજી ટેસ્ટમાં ભારતને 408 રને હરાવ્યું છે. રનોના હિસાબે ભારતની આ ઇતિસાહની સૌથી મોટી હાર છે. મહેમાન ટીમે સીરીઝમાં પણ 2-0થી જીત મેળવી છે. પહેલી ઇનિંગમાં 201 રન પર ઓલઆઉટ થઈયેલી ટીમ ઇન્ડિયા બીજી ઇનિંગમાં 140 રન જ બનાવી શકી હતી.
ટેમ્બા બાવુમાએ ટોસ જીતીને પહેલા બેટિંગ કરવાનો નિર્ણય લીધો હતો. એડન માર્ક્રમ (38) અને રાયન રિકલ્ટન (35) એ પ્રથમ વિકેટ માટે 82 રનની ભાગીદારી કરીને ટીમને સારી શરૂઆત અપાવી હતી. ટ્રિસ્ટન સ્ટબ્સ (49) અને ટેંબા બાવુમા (41) એ ત્રીજા વિકેટ માટે 84 રનની ભાગીદારી કરી. ભારતના બોલરો પ્રથમ ઇનિંગમાં અસરકારક સાબિત થયા નહોતા, તેનો અંદાજ એથી લગાવી શકાય કે નીચેના ક્રમના બેટ્સમેન માર્કો જૅનસનએ 93 રનની તાબડતોડ ઇનિંગ રમી, જેના સહારે દક્ષિણ આફ્રિકા 489 રનના સ્કોર સુધી પહોંચી.
પ્રથમ ઇનિંગમાં દક્ષિણ આફ્રિકા તરફથી સૌથી વધુ રન સેનુરન મુથુસામી એ બનાવ્યા. તેમણે 2 છક્કા અને 10 ચોગ્ગાની મદદથી 109 રન બનાવ્યા, અને આ તેની પહેલી ટેસ્ટ સદી હતી. માર્કો જૅનસન એ 93 રનની ધમાકેદાર ઇનિંગમાં 7 છક્કા ફટકારીને ઈતિહાસ રચ્યો. તે ભારત સામે એક ટેસ્ટ ઇનિંગમાં સંયુક્ત રીતે સૌથી વધુ છક્કા લગાવનાર બેટ્સમેન બન્યો.
ભારત માટે પ્રથમ ઇનિંગમાં કુલદીપ યાદવે સૌથી વધુ 4 વિકેટ લીધી, પરંતુ તેમની ઇકોનોમી 3.94 રહી અને તેમણે 115 રન આપ્યા. બુમરાહ અને સિરાજે 2-2 વિકેટ લીધી, પરંતુ તેઓ પણ રનો પર કાબૂ રાખવામાં નિષ્ફળ રહ્યા.
યશસ્વી જૈસવાલ અને કે.એલ. રાહુલે પ્રથમ ઇનિંગમાં ભારતને સારી શરૂઆત અપાવી હતી. બંન્નેએ પ્રથમ વિકેટ માટે 65 રનની ભાગીદારી કરી હતી. પરંતુ ભારતની મિડલ ઓર્ડર સંપૂર્ણપણે ફ્લોપ રહી. રાહુલ (22) ને કેશવ મહારાજે આઉટ કર્યો, ત્યારબાદ યશસ્વી જૈસવાલે પોતાની અડધી સદી પૂરી કરી. તે પણ 58 રન બનાવીને સાયમન હોર્મરનો શિકાર બન્યો. 95 રને ભારતની બીજી વિકેટ પડી, અને ત્યાર બાદ ભારતની 7મી વિકેટ 122 રનના સ્કોર પર પડી. ત્યાર બાદ 27 રનમાં 6 વિકેટ પડી ગઈ.
સાઈ સુદર્શન (15), ધ્રુવ જુરેલ (0), ઋષભ પંત (7), રવીન્દ્ર જાડેજા (6), નિતીશ કુમાર રેડ્ડી (10) સસ્તામાં આઉટ થઈ ગયા. માર્કો જૅનસને આ ઇનિંગમાં 6 વિકેટ લીધી. વોશિંગ્ટન સુન્દર અને કુલદીપ યાદવ વચ્ચેની ભાગીદારીએ જેમ-તેમ ભારતને 200 રન પાર પહોંચાડ્યું. સુન્દરે 48 રન બનાવ્યા, જ્યારે કુલદીપે માત્ર 19 રન બનાવ્યા, પરંતુ તેમણે 134 બોલનો સામનો કર્યો.
દક્ષિણ આફ્રિકાએ પ્રથમ ઇનિંગમાં 288 રનની લીડ મેળવી હતી. મહેમાન ટીમે બીજી ઇનિંગ 260/5 પર ડિક્લેર કરી અને ભારત સામે જીત માટે 549 રનનો લક્ષ્ય ટાર્ગેટ આપ્યો. બીજી ઇનિંગમાં ટ્રિસ્ટન સ્ટબ્સે 93 રન બનાવ્યા, તેની વિકેટ પછીવિકેટ પછી જ બાવુમાએ ઇનિંગ ડિક્લેર કરી દીધી હતી.
