અમદાવાદમાં યોજાયો 70મો ફિલ્મ ફેર એવોર્ડ, ‘લાપતા લેડી’ ફિલ્મે મારી બાજી, એક સાથે આટલા એવોર્ડ મળ્યાં

અમદાવાદ: ગુજરાતના હૃદય — અમદાવાદના કાંકરિયા લેક પાસે સ્થિત ઈકા એરિનામાં 11 ઓક્ટોબરે યોજાયેલ 70મા હ્યુન્ડાઈ ફિલ્મફેર એવોર્ડ્સ 2025 વિથ ગુજરાત ટુરિઝમ દરમિયાન હિંદી ફિલ્મ જગતના તારલાઓએ આકાશ ઝગમગાવી દીધું. સિતારાઓની હાજરી, ચમકદાર પરફોર્મન્સ અને સિનેમાના સાત દાયકાના ઉત્સવ વચ્ચે આ રાતે ભારતીય ફિલ્મ ઉદ્યોગના શ્રેષ્ઠ પ્રતિભાશાળી કલાકારોને સન્માનિત કરવામાં આવ્યા.

આ વર્ષે ‘લાપાતા લેડીઝ’ એ શ્રેષ્ઠ ફિલ્મનો એવોર્ડ જીત્યો, જ્યારે અભિષેક બચ્ચન (I Want To Talk) અને કાર્તિક આર્યન (Chandu Champion) ને સંયુક્ત રીતે શ્રેષ્ઠ અભિનેતા (પુરુષ) તરીકે સન્માનિત કરવામાં આવ્યા. આલિયા ભટ્ટને ‘જિગરા’ માટે શ્રેષ્ઠ અભિનેત્રી (મહિલા)નો એવોર્ડ મળ્યો.

સાંજની શરૂઆત અમદાવાદના આકાશમાં થયેલા અદ્ભુત ડ્રોન શોથી થઈ, જેમાં હિંદી સિનેમાના સાત દાયકાનો સફર દર્શાવવામાં આવી હતી.

શાહરૂખ ખાને ‘જવાન’ના ટાઇટલ ટ્રેક પર ગ્રાન્ડ એન્ટ્રી સાથે આખી રાતને ઉર્જા અને ગ્લેમરથી ભરપૂર બનાવી દીધી હતી.
અક્ષય કુમારે પોતાની ક્લાસિક હિટ્સ જેમ કે તુમ દિલ કી ધડકન મેં રહતે હો, ટીપ ટીપ બરસા પાણી અને ભૂલ ભુલૈયા પર ધમાકેદાર પરફોર્મન્સ આપ્યું.
અનન્યા પાંડે ગુજરાતની સંસ્કૃતિને ઉજવણીરૂપે ‘ઢોલિડા’, ‘ઉડી ઉડી જાયે’ અને ‘નગાડે સંગ ઢોલ’ પર ડાન્સ કરી સૌને મંત્રમુગ્ધ કર્યા.

ખાસ ક્ષણે શાહરૂખ ખાન અને કરણ જોહર પણ જોડાયા અને “GUJJU” ગીત પર મસ્તીમાં નાચી ઉઠ્યા.
કૃતિ સેનને ઝીનત અમનને સમર્પિત અદ્ભુત ટ્રિબ્યૂટ આપ્યું, જ્યારે અભિષેક બચ્ચને પોતાના પિતા અમિતાભ બચ્ચનના ગીતો પર નૃત્ય કરી સૌનું દિલ જીતી લીધું.

રાત્રિના સૌથી ભાવનાત્મક પળોમાંથી એક હતી જ્યારે શાહરૂખ ખાન અને કાજોલે એક સાથે મંચ પર આવીને DDLJ, કભી ખુશી કભી ગમ અને કુછ કુછ હોતા હૈના દ્રશ્યો ફરી જીવંત કર્યા.