નવી દિલ્હી: GSTના નવા રેટ લાગુ થઈ ગયા છે. તેનાથી રોજિંદા જીવનની વસ્તુઓ સાથે ટુ વ્હીલર પર પણ ભારે રાહત મળી રહી છે. ખાસ કરીને એ લોકો માટે જે કાં તો ટુ વ્હીલર ખરીદવાનો પ્લાન બનાવી રહ્યા છે, અથવા તો આવનારા સમયમાં લેવાના છે.
તહેવારની સિઝનમાં જીએસટીના નવા રેટ સામાન્ય લોકો માટે મોટી ભેટ છે. હકીકતમાં જોઈએ તો, સરકારે 350 સીસીથી ઓછાવાળા વાહનો પર જીએસટી ઘટાડવાની જાહેરાત કરી હતી. 22 સપ્ટેમ્બરે આ આદેશ લાગુ થઈ ગયો છે. હવે આ ટુ વ્હીલર વાહનો પર 28 ટકાની જગ્યાએ ખાલી 18 ટકા જીએસટી આપવો પડશે. જો વાત કરીએ ભારતના સૌથી પસંદ કરાતા બાઈક્સની તો હીરો સ્પ્લેંડર અને હોન્ડા એક્ટિવાની, જો જાણીએ કે પહેલા તે કેટલામાં મળતા હતા અને હવે તેની પ્રાઈઝ કેટલી થઈ ગઈ છે.
સ્પ્લેન્ડર પ્લસના બેઝ વેરિએન્ટની વાત કરીએ તો, જીએસટી કટ લાગુ થયા બાદ આ બાઈકની એક્સ શો રૂમ કિંમત 73,902 રૂપિયા થઈ ગઈ છે. જે પહેલા લગભગ 80,102 રૂપિયા હતી, એટલે કે સીધા 6200 રૂપિયાની બચત થઈ છે. સ્પ્લેંડર પ્લસ એક્સટેક 75,055 રૂપિયા અને સુપરસ્પ્લેંડર હવે 81,188 રૂપિયાનું મળી રહ્યું છે. એટલે કે 10 ટકા જીએસટી કટથી બાઈકના ઓવરઓલ 75,055 રૂપિયા અને સુપરસ્પ્લેંડર હવે 81,188 રૂપિયામાં મળી રહ્યું છે. એટલે કે 10 ટકા જીએસટી કટથી બાઈકની ઓવરઓલ પ્રાઈઝમાં લગભગ 7-8 ટકાનો ઘટાડો થયો છે. આ ઉપરાંત બાઈકના નવા ફીચર્સ પણ અપડેટ કર્યા છે.
તેમાં એલઈડી હેડલાઈટ, ડિજિટલ સ્પીડોમીટર, યુએસબી ચાર્જિંગ પોર્ટ, આઈ-એસ ટેકનોલોજી, જે એન્જિનને ઓટો બંધ કરી ઈંધણ બચાવે છે. માઈલેજ અને પરફોર્મેન્સની વાત કરીએ તો 97.2 સીસી બીએસ6 ફેઝ 2બી એન્જિન, 70-73 કિમી/લી માઈલેજ આપે છે. 8 હોર્સપાવર, સ્મૂથ સિટી રાઈડિંગ તેની ખાસિયત છે. જો સેફ્ટી અને કમ્ફર્ટની વાત કરીએ તો, તેના કોમ્બી બ્રેકિંગ સિસ્ટમ, ટ્યુબલેસ ટાયર્સ, મજબૂત ફ્રેમ અને આરામદાયક સીટો છે.
જીએસટી કટ બાદ એક્ટિવા 6G બેઝ મોડલની એક્સ શોરૂમ કિંમત 74375 રૂપિયા થઈ ગઈ છે. જે પહેલા 82249 રૂપિયા સુધી હતી. એટલે કે જીએસટી કટ થયા બાદ એક્ટિવા 7874 રૂપિયા સસ્તું થઈ ગયું છે. તેના અલગ વેરિએન્ટની વાત કરીએ તો, H સ્માર્ટ વેરિએન્ટ 87699 રૂપિયા, એક્ટિવા 125 હવે 86163 રૂપિયા એટલે કે લગભગ 8259 રૂપિયા સસ્તી થઈ ગઈ છે.
