ડ્રીમ ફાઉન્ડેશનએ આજે થલતેજ વિસ્તારમાં પ્રોજેક્ટ શિક્ષા અંતર્ગતસ્કૂલ સ્ટેશનરી વિતરણ કાર્યક્રમનું સફળ આયોજન કર્યું. આ કાર્યક્રમમાં મૈત્રી ફાઉન્ડેશન અને પ્રયાસ એક કોશિષના સહયોગથી 100 થી વધુ વિધાર્થીઓને ફૂલ સ્કેપ ચોપડા અને સ્કૂલ બેગ વિતરિત કરવામાં આવી.
આ વર્ષે, ડ્રીમ ફાઉન્ડેશન દ્વારા કુલ 350 થી વધુ બાળકોને શૈક્ષણિક સ્ટેશનરી પૂરી પાડવામાં આવી છે, જેના પરિણામે તે બાળકોના ભવિષ્યને મજબૂત બનાવવામાં મદદ મળી રહી છે. વિતરણ કાર્યક્રમ દરમિયાન, થલતેજ વિસ્તારની સરકારી શાળાના વિદ્યાર્થીઓએ ઉત્સાહપૂર્વક શૈક્ષણિક સામગ્રી પ્રાપ્ત કરી, અને તેમના ચહેરા ખુશીથી ઝળહળતા હતા.
ડ્રીમ ફાઉન્ડેશનનો આ પ્રોજેક્ટ બાળશિક્ષણને પ્રોત્સાહિત કરવાનો ઉદ્દેશ ધરાવે છે, જેથી દરેક બાળકને શિક્ષણનો સમાન અવસર મળી શકે. સંસ્થાએ આગામી દિવસોમાં વધુ વિસ્તારોમાં વિતરણ યોજનાના આયોજનની યોજના બનાવી છે, જેથી વધુ વિધાર્થીઓને સહાય મળી શકે.
આ કાર્યક્રમ દ્વારા, મૈત્રી ફાઉન્ડેશન અને પ્રયાસ એક કોશિષ પણ સમાજમાં શિક્ષણના પ્રસાર માટે મહત્વપૂર્ણ યોગદાન આપી રહ્યા છે, જે અંતે દરેક બાળકોના ભવિષ્યને ઉજાગર કરે છે.
