પુરુષપ્રધાન દેશ માનવામાં આવતું ભારત આજે પોતાની બહાદુર દીકરોની બહાદુરી પર ગર્વ કરી રહ્યું છે, આર્મીમાં કર્નલ સોફિયાએ 7 મેના રોજ પાકિસ્તાન અને પીઓકમાં થયેલા ઓપરેશન સિંદૂર વિશે મીડિયા બ્રિફિંગ કરી જાણકારી આપી હતી. તેની સાથે એરફોર્સમાં વિંગ કમાન્ડર વ્યોમિકા સિંહ પણ હાજર હતી. ત્યાર બાદ ભારતીય સેનાની બંને અધિકારીઓ વિશે લોકો જાણવા માગે છે. આવો તમને જણાવીએ કે, આર્મીમાં કર્નલ સોફિયા કુરેશી કે એરફોર્સમાં વિંગ કમાન્ડર વ્યોમિકા સિંહ પોસ્ટના હિસાબે ક્યા અધિકારી મોટા કહી શકાય.
આર્મીમાં કર્નલ
આર્મીમાં કર્નલની પોસ્ટ ફિલ્ડ માર્શનલ, જનરલ, લેફ્ટનન્ટ જનરલ, મેજર જનરલ અને બ્રિગેડિયર બાદ આવે છે. જો ભરતીના હિસાબે જોવામાં આવે તો રાષ્ટ્રીય રક્ષા એકેડમી એટલે કે NDAની પરીક્ષા પાસ કરીને લેફ્ટનન્ટની પોસ્ટ સાથે ભારતીય સેનામાં અધિકારીની પોસ્ટ પર ભરતી થઈ શકે છે. તે સિવાય અધિકારી ટ્રેનિંગ એકેડમી દ્વારા પણ સેનામાં અધિકારી પસંદ કરવામાં આવે છે. આ સિવાય સિપાહીની ભરતી દેશભરમાં સમયાંતરે થતી રહે છે. લેફ્ટનન્ટથી કર્નલ બનવા સુધી કેપ્ટન, મેજર અને લેફ્ટનન્ટ કર્નલની જગ્યાએથી પ્રમોશન મળે છે. કર્નલનો પગાર 1,30,600 થી 2,15,900 રૂપિયા પ્રતિમહિના સુધી હોય છે.
વિંગ કમાન્ડર
હવે વાત કરીએ વિંગ કમાન્ડર વ્યોમિકા સિંહની. એરફોર્મમાં એનડીએ, સીડીએસ અને એએફસીએટીથી અધિકારી પસંદ કરવામાં આવે છે. વાયુસેનામાં એર ચીફ માર્શલનું પદ સૌથી મોટું હોય છે. જો વિંગ કમાન્ડરની વાત કરીએ તો તેની પોસ્ટ ફ્લાઇંગ અધિકારી, ફ્લાઇટ લેફ્ટનન્ટ અને સ્વોડ્રન લીડરથી મોટું હોય છે. વિંગ કમાન્ડરને 1,21,200 થી 2,12,40 રૂપિયા પ્રતિ મહિને પગાર મળે છે.
જો આપણે બંને રેન્કની સરખામણી કરીએ તો ભારતીય સેનામાં કર્નલની રેન્ક એરફોર્સના ગ્રુપ કેપ્ટનના બરાબર હોય છે. આ આર્મીમાં છઠ્ઠી સૌથી મોટી પોસ્ટ હોય છે. જ્યારે એરફોર્સમાં વિંગ કમાન્ડરની રેન્ક લેફ્ટનન્ટ કર્નલની બરાબર હોય છે અને આ એરફોર્સની સાતમી સૌથી મોટી રેન્ક હોય છે. તેના હિસાબે જોવા જઈએ તો આર્મીમાં કર્નલની રેન્ક એરફોર્સની વિંગ કમાન્ડરથી મોટી હોય છે. જો કે બંને રેન્ક પોત પોતાના ફિલ્ડમાં ઘણું મહત્વ ધરાવે છે.
