દિલ્હી પબ્લિક સ્કૂલ – બોપલ દ્વારા પેરેન્ટ્સ ડેની ઉજવણી કરવામાં આવી

અમદાવાદ: દિલ્હી પબ્લિક સ્કૂલ – બોપલ દ્વારા પંડિત દિનદયાળ ઓડિટોરિયમ ખાતે પેરેન્ટ્સ ડે સેલિબ્રેશન ‘કલાંજલિ -૨૪-૨૫’નું આયોજન કરવામાં આવ્યું હતું. જેમાં પ્રિ સ્કૂલથી લઈને ગ્રેડ ૨ સુધીના ૧,૨૦૦ વિદ્યાર્થી પ્રતિભા દર્શાવવામાં આવી હતી. “નો ચાઇલ્ડ લેફ્ટ બિહાઇન્ડ” ની થીમ સાથે આ કાર્યક્રમ ૧૦૦% ભાગીદારી સુનિશ્ચિત કરે છે, જે સર્વાંગી વિકાસને પ્રોત્સાહન આપે છે.. ગ્રેડ ૧ દ્વારા ‘અનુમાનધન – થ્રેડ ઓફ લવ’ રજૂ કરવામાં આવ્યું હતું. જુનિયર કેજી અને ગ્રેડ ૨ એ ભારતના સમૃદ્ધ વારસાની ઉજવણી કરતા ‘ભારત – એક વિરાસત’ ને જીવંત બનાવ્યું. સિનિયર કેજી અને બાલવાટિકાએ ‘તરંગ – અ મ્યુઝિકલ જર્ની’ સાથે પ્રેક્ષકોને મંત્રમુગ્ધ કર્યા હતા. પ્રિન્સિપાલ સબિના સાહનીએ તેમના સંબોધનમાં વિદ્યાર્થીઓ, શિક્ષકો અને માતા-પિતાને તેમના સમર્થન બદલ બિરદાવ્યા, અને શાળામાં વિદ્યાર્થીઓના સર્વાંગી વિકાસની પ્રતિબદ્ધતા પર ભાર મૂક્યો હતો.