તમે ફિલ્મ ‘RRR’ જોઈ જ હશે. તેનું એક ગીત ‘નાટુ-નાટુ’ છે, જેને આ વર્ષે ઓસ્કાર એવોર્ડ મળ્યો છે. ઓસ્કાર એવોર્ડ ૨૦૨૩ની બેસ્ટ સોંગ કેટેગરીમાં લગભગ ૧૫ ગીતો શોર્ટલિસ્ટ થયા હતા, પરંતુ ‘નાટુ-નાટુ’ ગીતે બધાને પાછળ છોડી દીધા અને એવોર્ડ જીત્યો. આ પછી આ ગીતની ચર્ચા આખી દુનિયામાં થવા લાગી. સોશિયલ મીડિયા પર આને લગતા વિવિધ પ્રકારના વીડિયો અવારનવાર વાયરલ થતા હોય છે, જેમાં લોકો આ ગીત પર ડાન્સ કરતા જોવા મળે છે. આજકાલ આવો જ એક વીડિયો ખૂબ વાયરલ થઈ રહ્યો છે, જેણે ભારતીયોનું દિલ જીતી લીધું છે. વાસ્તવમાં, આ વીડિયોમાં યુક્રેનિયન સૈનિકો ‘નાટુ-નાટુ’ ગીત પર ડાન્સ કરતા જોવા મળે છે. તેમના ડાન્સને સંપૂર્ણ ફિલ્મી સ્ટાઈલમાં ફિલ્માવવામાં આવ્યો છે. ફિલ્મમાં જે રીતે આ ગીતને શૂટ કરવામાં આવ્યું છે તે જ રીતે આ વીડિયોમાં પણ જોઈ શકાય છે. ખાસ વાત એ છે કે તે ખૂબ જ ફિલ્મી સ્ટાઈલમાં સારો ડાન્સ પણ કરી રહ્યા છે. જો કે હાલમાં રશિયા અને યુક્રેન વચ્ચે યુદ્ધ ચાલી રહ્યું છે, પરંતુ આ યુદ્ધની વચ્ચે સૈનિકોની આ પ્રકારની મજા અને ઉલ્લાસ હૃદયને સ્પર્શી જાય છે.
યુક્રેનિયન સૈનિકોનો આ હૃદયસ્પર્શી ડાન્સ વીડિયો સોશિયલ મીડિયા પ્લેટફોર્મ ટિ્વટર પર @jane_fedotova નામના આઈડીથી શેર કરવામાં આવ્યો છે. માત્ર ૨ મિનિટ ૨૦ સેકન્ડના આ વીડિયોને ૬ લાખ ૧૭ હજારથી વધુ વખત જોવામાં આવ્યો છે, જ્યારે ૬ હજારથી વધુ લોકોએ વીડિયોને લાઈક પણ કર્યો છે. તે જ સમયે, વીડિયો જોયા પછી, લોકોએ અલગ-અલગ પ્રતિક્રિયાઓ પણ આપી છે. કેટલાક યુઝર્સે યુક્રેનના સૈનિકોને ટ્રોલ પણ કર્યા છે અને કહી રહ્યા છે કે તમે લોકોએ યુદ્ધમાં લડવું જોઈએ, તો એક યુઝરે લખ્યું છે કે, ‘ભારતીય બંને તરફ શાંતિ ઈચ્છે છે. ૨૧મી સદીમાં યુદ્ધ સારી બાબત નથી, પશ્ચિમે સમજવું જોઈએ.