જ્યારે આપણે કોઈ શહેરમાં ફરવા જઈએ છીએ, ત્યારે હોટેલમાં રોકાવું આપણી પ્રથમ પસંદગી હોય છે. 3 સ્ટાર હોટેલ સામાન્ય રીતે બજેટ-ફ્રેન્ડલી અને આરામદાયક હોય છે. અહીં તમને મોટું બેડ, એર કન્ડિશનર, ટીવી અને શૌચાલય જેવી મૂળભૂત સુવિધાઓ મળે છે. ઉપરાંત આવા હોટેલોમાં ઘણીવાર રેસ્ટોરન્ટ અને પાર્કિંગની સુવિધા પણ ઉપલબ્ધ હોય છે. 3 સ્ટાર હોટેલની ખાસિયત એ છે કે સામાન્ય મુસાફરો માટે પૂરતો આરામ અને જરૂરી સુવિધાઓ આપે છે, પરંતુ તેની લક્ઝરી 4 અથવા 5 સ્ટાર હોટેલ જેટલી નથી હોતી.
4 સ્ટાર હોટેલમાં શું ખાસ મળે?
4 સ્ટાર હોટેલમાં તમને 3 સ્ટારની સરખામણીએ વધુ આધુનિક અને ભવ્ય સુવિધાઓ મળે છે. રૂમમાં ફ્લેટ સ્ક્રીન ટીવી, વાયરલેસ ઈન્ટરનેટ અને મિની બાર જેવી સુવિધાઓ હોય છે. ઉપરાંત હોટેલની લોબી અને ડાઇનિંગ એરિયા પણ વધુ આરામદાયક અને આકર્ષક હોય છે. આવા હોટેલ બિઝનેસ ટ્રાવેલર્સ અને ફેમિલી માટે વધુ પસંદગીયુક્ત હોય છે, કારણ કે અહીં સર્વિસ, સફાઈ અને રૂમની સુવિધાઓ 3 સ્ટાર કરતા વધુ સારી હોય છે. જોકે 5 અથવા 7 સ્ટાર જેટલી લક્ઝરી અહીં હજુ મર્યાદિત હોય છે.
5 સ્ટાર હોટેલમાં શું સુવિધા મળે છે?
5 સ્ટાર હોટેલ સાચા અર્થમાં લક્ઝરીનો અનુભવ આપે છે. અહીંના રૂમ મોટા અને ભવ્ય હોય છે, તેમજ ફર્નિચર અને ડેકોર ઉચ્ચ ગુણવત્તાવાળા હોય છે. રૂમમાં હાઈ-એન્ડ બાથરૂમ, મિની બાર, સ્માર્ટ ટીવી અને ઘણી આધુનિક ટેકનોલોજી સુવિધાઓ મળે છે. હોટેલમાં રેસ્ટોરન્ટ, સ્પા, જિમ અને સ્વિમિંગ પૂલ જેવી પ્રીમિયમ સુવિધાઓ પણ હોય છે. આવા હોટેલ તેઓ માટે હોય છે જે મુસાફરી દરમિયાન આરામ સાથે લક્ઝરીનો પણ અનુભવ કરવા માંગે છે. અહીં દરેક વસ્તુને ઉચ્ચ સ્તર પર જાળવવામાં આવે છે.
7 સ્ટાર હોટેલ અને અલ્ટીમેટ લક્ઝરી
7 સ્ટાર હોટેલ 5 સ્ટાર કરતાં પણ ઘણી વધારે લક્ઝરી આપે છે. અહીં દરેક રૂમ અને બાથરૂમમાં અલ્ટ્રા-લક્ઝરી સુવિધાઓ હોય છે. હોટેલની લોબી, રેસ્ટોરન્ટ, હેલ્થ ક્લબ અને સ્વિમિંગ પૂલ ખૂબ જ ભવ્ય હોય છે. ખોરાક અને સર્વિસનો અનુભવ પણ અતિ ઉત્તમ હોય છે. 7 સ્ટાર હોટેલ ખાસ કરીને એવા મુસાફરો માટે હોય છે, જે દરેક બાબતમાં પરફેક્શન ઈચ્છે છે અને બજેટની મર્યાદા વિશે ખાસ વિચારતા નથી. હોટેલ પસંદ કરતી વખતે હંમેશા પોતાનું બજેટ, જરૂરિયાત અને સુવિધાઓનું ધ્યાન રાખવું જોઈએ જેથી મુસાફરીનો અનુભવ સંતોષજનક બની રહે.
