ગાંધીનગર: દિલ્હી પબ્લિક સ્કૂલ, ગાંધીનગર ખાતે ઇન્ટર-DPS નેશનલ થિયેટર ફેસ્ટિવલ ‘રંગમંચમ 2026’નો ભવ્ય પ્રારંભ થયો. બે દિવસીય આ રાષ્ટ્રીય નાટ્ય મહોત્સવમાં દેશભરની 20 પસંદગી પામેલી DPS શાળાઓના યુવા કલાકારો ભાગ લઈ રહ્યા છે.
ઉદ્ઘાટન સમારોહમાં સિનેમા અને રંગભૂમિના વરિષ્ઠ અભિનેતા રાજેન્દ્ર ગુપ્તા મુખ્ય અતિથિ તરીકે ઉપસ્થિત રહ્યા હતા. આ પ્રસંગે DPS સોસાયટીના ડિરેક્ટર ડોલી ચન્ના, પ્રો વાઇસ ચેરમેન અપૂર્વ ગોયન્કા, મેનેજિંગ ટ્રસ્ટી ડિમ્પલ ગોયન્કા, પ્રિન્સિપાલ અંજુ સિંહ અને હેડમાસ્ટર રાકેશ કુમાર ભગત ઉપસ્થિત રહ્યા હતા.
દીપ પ્રાગટ્ય, શ્લોકોચ્ચાર, સ્વાગત ગીત અને ગુજરાતી લોકનૃત્ય સાથે મહોત્સવનો મંગલમય પ્રારંભ થયો હતો. ત્યારબાદ નુક્કડ નાટક અને મોનોલોગ સ્પર્ધાઓમાં યુવા કલાકારોએ સર્જનાત્મક અને સામાજિક સંદેશ આપતી પ્રસ્તુતિઓથી દર્શકોને પ્રભાવિત કર્યા હતા.
