અમદાવાદ : અમદાવાદની ઐતિહાસિક અને આઇકોનિક પતંગ હોટલ ખાતે અમદાવાદ એજ્યુકેશન ગ્રુપ દ્વારા “ઉમંગ સે પતંગ” NGO મીટનું ભવ્ય આયોજન કરવામાં આવ્યું હતું. સમાજના વંચિત વર્ગના બાળકો માટે કાર્યરત સેવાભાવી વ્યક્તિઓના સન્માન માટે યોજાયેલા આ કાર્યક્રમમાં ધર્મદેવ ઇન્ફ્રાસ્ટ્રક્ચરના CMD ઉમંગભાઈ ઠક્કર અને ‘ઉમંગ સે પતંગ’ NGOના સ્થાપક અસ્મિતાબેન ઠક્કરનું વિશેષ સન્માન કરવામાં આવ્યું.
NGO દ્વારા મૂક-બધિર (દિવ્યાંગ) તેમજ આર્થિક રીતે પછાત બાળકોને શિક્ષણ, માર્ગદર્શન અને આત્મનિર્ભરતા તરફ આગળ વધારવાના કાર્યને બિરદાવતાં અમદાવાદ એજ્યુકેશન ગ્રુપે બંનેને સ્મૃતિચિહ્ન અર્પણ કર્યું. આ પ્રસંગે ઉજ્જૈન મહાકાલ મંદિરના પૂજારી રામરતન વ્યાસજીની ઉપસ્થિતિમાં શાંતિ પાઠનું વાચન પણ કરવામાં આવ્યું.
કાર્યક્રમ દરમિયાન પતંગ હોટલના ડિરેક્ટર પિન્કીબેન મોદીનું પણ સામાજિક કાર્યોમાં સતત સહયોગ બદલ વિશેષ સન્માન કરવામાં આવ્યું.
આ પ્રસંગે અમદાવાદ એજ્યુકેશન ગ્રુપના ચેરમેન વિજય મારુ, પ્રમુખ રાકેશ પરમાર, મહામંત્રી રઉફ સર, ખજાનચી બિપીન ખાંડવી, વાઇસ ચેરમેન હેમાંગ રાવલ, વાઇસ ચેરમેન સતિષ શાહ, પ્રદેશ પ્રમુખ ઝંકૃત આચાર્ય સહિત સંસ્થાના હોદ્દેદારો અને અનેક મહાનુભાવો ઉપસ્થિત રહ્યા હતા. ઉપસ્થિત આગેવાનોએ શિક્ષણ અને સમાજસેવાના ક્ષેત્રે થઈ રહેલા આ સેવાકાર્યને પ્રેરણાદાયી ગણાવી તેની પ્રશંસા કરી.
