અમદાવાદ: કેલોરેક્સ ફ્યુચર સ્કૂલ, ઘાટલોડિયા ખાતે વિદ્યાર્થીઓ માટે એક શાનદાર મ્યુઝિકલ પ્રોગ્રામ યોજાયો હતો. આ પ્રસંગે ભારતના લોકપ્રિય ટીન બોય બેન્ડ ‘આઉટસ્ટેશન’નું સ્કૂલમાં ઉષ્માભર્યું સ્વાગત કરવામાં આવ્યું હતું. બેન્ડના કલાકારોએ પોતાના ધમાકેદાર પ્રદર્શનથી ધૂમ મચાવી હતી અને બાળકો સાથે મનભરીને સંવાદ કર્યો હતો. બેન્ડના સભ્યો—ભુવન શેટ્ટી, હેમાંગ સિંહ, મશાલ શેખ, કુરિયન સેબેસ્ટિયન અને શાયન પટ્ટેમ, બપોરે 12:30 થી 1:30 વાગ્યા સુધી સ્કૂલમાં રોકાયા હતા. તેમના અદ્ભુત સંગીત અને મનમોહક અંદાજે વિદ્યાર્થીઓને મંત્રમુગ્ધ કરી દીધા હતા. સમસ્ત વિદ્યાર્થીઓએ પૂરા જોશ અને ઉત્સાહ સાથે આ સંગીત ઉત્સવનો ભરપૂર આનંદ લીધો હતો.
આ શાનદાર પ્રોગ્રામના સમાપન બાદ, કેલોરેક્સ ફ્યુચર સ્કૂલ, ઘાટલોડિયાના પ્રિન્સિપાલ શ્રીમતી સીમા મિશ્રાએ ટીન બોય બેન્ડ ‘આઉટસ્ટેશન’ના તમામ સભ્યોને યાદગીરી રૂપે સ્મૃતિચિહ્ન આપીને સન્માનિત કર્યા હતા અને શાળાની મુલાકાત લેવા બદલ તેમનો આભાર વ્યક્ત કર્યો હતો. આ ખાસ મ્યુઝિકલ મુલાકાત ભારે ખુશીઓ સાથે સંપન્ન થઈ, જે બાળકોના દિલમાં હંમેશ માટે યાદગાર ક્ષણ તરીકે અંકિત થઈ ગઈ.
