મલેશિયા એરલાઇન્સે પોતાના બ્રાન્ડ ઈમેજને વધુ મજબૂત બનાવવા માટે ‘પાયલટ પાર્કર: એ સ્ટોરી ઓફ મલેશિયન હોસ્પિટાલિટી’ નામનું નવું કેરેક્ટર-લેડ કેમ્પેઈન લોન્ચ કર્યું છે. આ 80 સેકન્ડની ટૂંકી ફિલ્મ એક મુસાફરના વાસ્તવિક જીવનના અનુભવ પર આધારિત છે, જેમાં એરલાઇન્સની આગવી ‘મલેશિયન હોસ્પિટાલિટી’ અને વ્યક્તિગત સેવા દર્શાવવામાં આવી છે.
આ અભિયાન મલેશિયા એવિએશન ગ્રુપ (MAG)ની લાંબા ગાળાની વિકાસ યોજનાનો મહત્વપૂર્ણ હિસ્સો છે. તેનો હેતુ વૈશ્વિક સ્તરે બ્રાન્ડની ઓળખ મજબૂત બનાવવાનો, પ્રવાસીઓ સાથે ભાવનાત્મક જોડાણ વધારવાનો અને સ્પર્ધાત્મક ઉડ્ડયન ક્ષેત્રમાં પોતાની વિશિષ્ટ સેવા રજૂ કરવાનો છે.
કેમ્પેઈનની ખાસ વાત એ છે કે આ ફિલ્મ ‘પાયલટ પાર્કર’ નામના લોકપ્રિય માસ્કોટના દૃષ્ટિકોણથી રજૂ કરવામાં આવી છે. આ પાત્ર મુસાફરી દરમિયાનની નાની-નાની પરંતુ અર્થપૂર્ણ ક્ષણોને જીવંત બનાવે છે, જે મુસાફરોના અનુભવને ખાસ બનાવી દે છે.
ફિલ્મ એક સત્ય ઘટનાથી પ્રેરિત છે. મલેશિયા એરલાઇન્સમાં મુસાફરી કરનાર એક નાની બાળકી દ્વારા મોકલાયેલા હાથથી દોરેલા ચિત્ર અને પત્ર પરથી આ વિચાર આવ્યો હતો. બાળકી એ પોતાના પત્રમાં જણાવ્યું હતું કે ‘પાયલટ પાર્કર’ને કારણે તેની મુસાફરી વધુ આરામદાયક અને યાદગાર બની હતી.
આ અભિયાન દ્વારા મલેશિયા એરલાઇન્સ ‘મલેશિયન હોસ્પિટાલિટી’ની ભાવનાને વધુ ઊંડાઈથી રજૂ કરી રહી છે. એરલાઇનનું માનવું છે કે તેમની સેવા સામાન્ય ફ્લાઇટને પણ એક ખાસ અને યાદગાર અનુભવમાં બદલી શકે છે.
કંપનીએ જણાવ્યું છે કે આ નવા કેમ્પેઈન દ્વારા તે વૈશ્વિક સ્તરે મુસાફરોના દિલ જીતવા અને પોતાની સેવા પરંપરાને વધુ મજબૂત બનાવવા માટે પ્રતિબદ્ધ છે.