ફરી એકવાર દિલ્હીની હાઈ-પ્રોફાઈલ અને સુરક્ષિત તિહાર જેલમાં કેદીઓ વચ્ચે લોહિયાળ અથડામણના સમાચાર છે. સૂત્રોનું માનીએ તો અહીં કેદીઓના બે જૂથો વચ્ચે ગેંગ વોર ચાલી રહી છે. આ હુમલામાં બે કેદીઓ ગંભીર રીતે ઘાયલ થયા હતા. જેલની અંદર આ અથડામણ બાદ ભારે પોલીસ દળ જેલ પરિસરમાં પહોંચી ગયું છે. ટોચના અધિકારીઓએ પહોંચીને પરિસ્થિતિને કાબૂમાં લીધી હતી અને ઘાયલોને તાત્કાલિક DDU હોસ્પિટલમાં દાખલ કરવામાં આવ્યા હતા. એવું કહેવામાં આવ્યું છે કે, બંને જૂથના કેદીઓ ગંભીર કેસોમાં વિચારણા હેઠળ છે. તિહાર જેલમાં આ જૂથોના કેદીઓ વચ્ચે અથડામણ થઈ હતી અને સોમવારે તે સામ-સામે અથડામણમાં ફેરવાઈ ગઈ હતી. બંને અલગ-અલગ ગેંગ સાથે સંકળાયેલા છે.
તિહાર જેલની અંદર કેદીઓએ એક બીજા પર ધારદાર સોય વડે હુમલો કર્યો. આ ઘટના બાદ જેલની અંદર ખળભળાટ મચી ગયો હતો. સોમવારે તિહાર સેન્ટ્રલ જેલની જેલ નંબર ૧માં બદમાશો વચ્ચેની અથડામણ બાદ ફરી એકવાર તિહાર જેલ પ્રશાસન અને ત્યાંની સુરક્ષા વ્યવસ્થા પર સવાલો ઉભા થઈ રહ્યા છે. અગાઉ ૨ મેના રોજ, ગેંગસ્ટર ટિલ્લુ તાજપુરિયાની તિહાર જેલમાં લોરેન્સ બિશ્નોઈના સાગરિતોએ ર્નિદયતાથી હત્યા કરી હતી. આ ઘટના સીસીટીવી ફૂટેજમાં કેદ થઈ ગઈ હતી. ગોગી ગેંગના ઓપરેટિવ પર ટિલ્લુ તાજપુરિયાની હત્યાનો આરોપ હતો. દરમિયાન, તિહાર જેલમાં બે કેદી જૂથો વચ્ચેની આ તાજેતરની અથડામણ અંગે પોલીસે તપાસ શરૂ કરી છે. ઘાયલોને હોસ્પિટલમાં સારવાર આપવામાં આવી રહી છે. પોલીસે બંનેના નિવેદન લઈને હુમલાનું કારણ જાણવા તપાસ હાથ ધરી છે.
