કાર્યકરોની લાગણી જાેઇને ભાવુક થઇ જતાં પોતાની સ્પીચ ટૂંકાવી દીધી
પંચમહાલ : મોરવા હડફ ગ્રામ પંચાયતના નવા ભવનના લોકાર્પણ કાર્યક્રમના ઉદ્ઘાટન દરમિયાન ધારાસભ્ય નિમિષાબેન સુથાર ભાવુક થયા હતા. સ્ટેજ પર સ્પીચ આપવા દરમિયાન ધારાસભ્યની આંખમાં આંસુ આવી ગયા હતા. ધારાસભ્ય નિમિષાબેને ભાવુક થતાં પોતાની સ્પીચ ટૂંકાવી દીધી હતી. મોરવા હડફ વિધાનસભાની બેઠક ઉપર ત્રણવાર વિજયી બનેલા નિમિષાબેન સુથાર કાર્યકરોની અપાર લાગણી અને પ્રેમ જાેઈને ભાવુક થયા હતા. મોરવા હડફ વિધાનસભામાં આજે સ્નેહમિલન કાર્યક્રમ યોજાયો હતો. આ દરમિયાન સ્ટેજ પરથી ધારાસભ્ય નિમિષાબેન સુથાર ભાવુક થયા હતા. તેમણે સ્ટેજ પરથી ગીત પણ ગાયું હતું. જાે રામ કો લાયે હે હમ ઉનકો લાયેંગે….દુનિયામે ફિર સે હમ ભગવા લહેરાયેંગે…. ગીત ગાયું હતું. આ બેઠક પરથી ત્રણ વખત ચૂંટણી જીતેલા ધારાસભ્ય આ દરમિયાન ભાવુક થયા હતા. તેમની આંખમાં આંસુ આવી ગયા હતા. આ કાર્યક્રમ દરમિયાન ભાજપે આમ આદમી પાર્ટીના ગઢ ગણાતા મોરવા હડફમાં ગાબડું પાડ્યું છે. આમ આદમી પાર્ટીના ૫૦૦ જેટલા કાર્યકરો ભાજપમાં જાેડોયા હતા. જેમાં રણજીત સિંહ ચૌહાણ, ભરતસિંહ પટેલ, નૈષધ બારીયા સહિતના કાર્યકરો ભાજપમાં જાેડાયા હતા. આપના કાર્યકરોને ભાજપમાં સામેલ કરાવવામાં ધારાસભ્ય નિમિષાબેન સુથાર સફળ રહ્યાં છે. તેમણે આમ આદમી પાર્ટીના ઘણા મોટા નેતાઓને તોડી ભાજપમાં સામેલ કરાવ્યા છે. મોરવા હડફ વિધાનસભામાં આજે સ્નેહમિલન કાર્યક્રમ યોજવામાં આવ્યો હતો. આ કાર્યક્રમમાં રાજ્યકક્ષાના મંત્રી બચુભાઈ ખાબડ, પંચમહાલના સાંસદ રતનસિંહ રાઠોડ, દાહોદના સાંસદ જશવંતસિંહ ભાભોર અને ધારાસભ્ય નિમિષાબેન સુથારની હાજરીમાં આપના કાર્યકર્તાઓ ભાજપમાં જાેડાયા હતા.
