સેન્ટ્રલ અમેરિકન દેશ હોન્ડુરાસની એક મહિલા જેલમાં ગેંગ વોરમાં ઓછામાં ઓછા ૪૧ કેદીઓના મોત થયા છે. આમાંની મોટાભાગની મહિલા કેદીઓને સળગાવી દેવામાં આવી હતી. આ સિવાય કેટલાકને ગોળી વાગી પણ છે. ગેંગ વોરમાં ડઝનબંધ કેદીઓ ઘાયલ થયા છે, જેમની હોસ્પિટલમાં સારવાર ચાલી રહી છે. ઘટના હોન્ડુરાસની રાજધાનીથી લગભગ ૫૦ કિમી દૂર તમારા જેલની છે. હોન્ડુરાસની રાષ્ટ્રીય પોલીસ તપાસ એજન્સીના પ્રવક્તા યુરી મોરાએ જણાવ્યું હતું કે ગેંગ વોરમાં ૨૬ કેદીઓ દાઝી ગયા હતા, જ્યારે કેટલાક બંદૂકની ગોળી વાગવા અને છરા મારવાથી મૃત્યુ પામ્યા હતા. ઓછામાં ઓછા સાત કેદીઓને સારવાર માટે હોસ્પિટલમાં દાખલ કરવામાં આવ્યા છે.
મોરાએ કહ્યું કે ઘટના બાદ સ્થળ પર પહોંચેલી ફોરેન્સિક ટીમોએ ૪૧ લોકોના મોતની પુષ્ટિ કરી છે. આ ઘટના બાદ જેલની અંદરનો એક વીડિયો પણ સામે આવ્યો છે, જેમાં ઘણી પિસ્તોલ, ચાકુ અને અન્ય ધારદાર હથિયારો દેખાઈ રહ્યા છે. આ હથિયારો મળ્યા બાદ પોલીસની શંકા વધુ ઘેરી બની છે. જેલની અંદરથી મળેલા આ હથિયારો પરથી જાણવા મળે છે કે હિંસા અચાનક નથી થઈ, પરંતુ તેનું આયોજન પહેલાથી કરવામાં આવ્યું હતું. હોન્ડુરાનના રાષ્ટ્રપતિ ઝિઓમારા કાસ્ટ્રોએ કહ્યું કે ત્યાંના સુરક્ષા અધિકારીઓ જેલની અંદર હિંસાના આયોજનથી સંપૂર્ણ વાકેફ હતા. તેમણે આ મામલે કડક પગલાં લેવાની વાત પણ કરી હતી. મીડિયા અહેવાલો અનુસાર, કેદીઓનું એક જૂથ કથિત રીતે એક સેલમાં ઘૂસી ગયું, ત્યાં રહેતા અન્ય કેદીઓ પર ગોળીઓ ચલાવી અને તેને આગ લગાડી દીધી. હિંસામાં જીવ ગુમાવનાર મહિલા કેદીઓના મૃતદેહ પોસ્ટમોર્ટમ બાદ તેમના પરિવારજનોને સોંપવામાં આવી રહ્યા છે. હિંસાનો ભોગ બનેલી ઘણી મહિલા કેદીઓ ડ્રગ્સની હેરાફેરી સહિત અન્ય ઘણા કેસમાં જેલમાં બંધ હતી, જ્યારે કેટલીક સજા પામેલા કેદીઓના મોત થયાની ઘટના પણ સામે આવી છે આ સપ્તાહના અંતે યુ.એસ.માં હિંસા અને સામૂહિક ગોળીબારમાં પેન્સિલવેનિયા રાજ્યના પોલીસ મેન સહિત ઓછામાં ઓછા છ લોકો માર્યા ગયા છે અને ડઝનેક ઘાયલ થયા છે. આમાં શિકાગો, વોશિંગ્ટન રાજ્ય, પેન્સિલવેનિયા, સેન્ટ લૂઇસ, સધર્ન કેલિફોર્નિયા અને બાલ્ટીમોરનો સમાવેશ થાય છે, જ્યાં છેલ્લા ઘણા વર્ષોમાં હત્યાઓ અને અન્ય હિંસામાં વધારો થયો છે.
