ગાંધીનગર: ભારતની અગ્રણી ડિઝાઈન પ્રેરિત હોમ ઈન્ટીરિયર્સ બ્રાન્ડ ડિઝાઈન કેફે એ ગાંધીનગરમાં નવું પ્રીમિયમ એક્સપીરિયન્સ સેન્ટર શરૂ કર્યું છે. ગુજરાતમાં આ કંપનીનું બીજું એક્સપીરિયન્સ સેન્ટર છે, જ્યારે દેશભરમાં હવે તેની કુલ સંખ્યા 22 પર પહોંચી છે. આ સાથે બ્રાન્ડની હાજરી ભારતના 14 શહેરોમાં વિસ્તરી ગઈ છે.
લગભગ 2300 ચોરસ ફૂટ વિસ્તારમાં ફેલાયેલા આ એક્સપીરિયન્સ સેન્ટરમાં મોડ્યુલર કિચન, વોર્ડરોબ, બેડરૂમ અને લિવિંગ સ્પેસ સહિત સંપૂર્ણ રીતે ડિઝાઈન કરાયેલ એપાર્ટમેન્ટ વોકથ્રુની વ્યવસ્થા કરવામાં આવી છે. અહીં ઘરમાલિકો વાસ્તવિક અને કાર્યશીલ સેટિંગ્સમાં ઈન્ટીરિયર ડિઝાઈન કેવી લાગશે તેનો અનુભવ કરી શકે છે. સાથે જ વિવિધ પ્રકારના કિચન ફોર્મેટ્સ પણ રજૂ કરવામાં આવ્યા છે, જેમાં સૌંદર્ય, કાર્યક્ષમતા અને રોજિંદા ઉપયોગની પ્રેક્ટિકલ જરૂરિયાતોનું સંયોજન જોવા મળે છે.
ડિઝાઈન કેફેના સહ-સંસ્થાપક અને સીઈઓ ગીતા રામાનને જણાવ્યું હતું કે ગુજરાતમાં કળાકારીગરી અને વ્યવસાયિક દ્રષ્ટિનો અનોખો સમન્વય જોવા મળે છે. અમદાવાદ–ગાંધીનગર વિસ્તારના ઘરમાલિકો હવે વધુ ડિઝાઈન જાગૃત બન્યા છે અને તેઓ વૈશ્વિક એસ્થેટિક્સ સાથે લાંબા ગાળાના ઉપયોગને ધ્યાનમાં રાખીને પસંદગીઓ કરે છે. ડિઝાઈનકેફે ગ્રાહકોને વિવિધ મટીરિયલ્સ, ફિનિશ અને વ્યક્તિગત પસંદગીઓ અનુસાર વિકલ્પો આપી તેમના ઘર માટે યોગ્ય ડિઝાઈન પસંદ કરવાની તક આપે છે.
આ લોન્ચ એવા સમયે કરવામાં આવ્યું છે જ્યારે અમદાવાદ–ગાંધીનગર રેસિડેન્શિયલ કોરિડોરમાં ગિફ્ટ સિટી સહિતના ઈન્ફ્રાસ્ટ્રક્ચર વિકાસને કારણે રહેણાંક પ્રોજેક્ટ્સમાં સતત વૃદ્ધિ થઈ રહી છે. તેના પરિણામે સંકલિત અને વ્યાવસાયિક ઈન્ટીરિયર સોલ્યુશન્સ માટેની માંગ પણ વધી રહી છે.
ડિઝાઈનકેફેના સહ-સંસ્થાપક અને સીઈઓ શેઝાન ભોજાણીએ જણાવ્યું હતું કે આ એક્સપીરિયન્સ સેન્ટર ઘરમાલિકોને ઈન્ટીરિયર ડિઝાઈનની સમગ્ર પ્રક્રિયા સરળ અને પારદર્શક રીતે સમજવા માટે તૈયાર કરવામાં આવ્યું છે. તેમાં લેઆઉટ, ફિનિશિંગ, બજેટ અને અમલીકરણ સમયરેખા જેવી તમામ બાબતોનો સ્પષ્ટ અનુભવ મળે છે, જેથી પરિવારો આત્મવિશ્વાસ સાથે ડિઝાઈનથી લઈને અમલીકરણ સુધીના નિર્ણયો લઈ શકે.
ગાંધીનગરમાં શરૂ કરાયેલું આ નવું એક્સપીરિયન્સ સેન્ટર હવે મુલાકાતીઓ માટે ખુલ્લું મુકાયું છે, જ્યાં ઘરમાલિકો ડિઝાઈનકેફેના ઈન્ટીરિયર સોલ્યુશન્સનો firsthand અનુભવ મેળવી શકે છે.
