હોલિવુડની ફિલ્મોના ભારતીય લોકો હંમેશાથી કદરદાન રહ્યા છે. જ્યારથી હોલિવુડની ફિલ્મો હિંદીમાં ડબ થવા લાગી છે ત્યારથી તે દરેક ફિલ્મના ટ્રેલર પણ હિંદીમાં આવવા લાગ્યા છે. હાલમાં જ એક હોલિવુડ ફિલ્મ ડેડપૂલ-2નું ટ્રેલર હિંદીમાં રિલીઝ થયુ છે. ડેડપૂલને ભારતમાં અસામાન્ય સફળતા મળ્યા બાદ મે મહિનામાં રિલીઝ થનાર ડેડપૂલ-2 માટે લોકોનો ક્રેઝ વધ્યો છે.
ડેડપૂલ-2નું ટ્રેલર રિલીઝ થતાની સાથે જ તેના વ્યૂઝ તીવ્ર ગતિથી વધતા ગયા અને માત્ર 24 કલાકની અંદર જ 32 લાખ વ્યૂ થઇ ગયા હતા. ભારતમાં કોઇ પણ વિદેશી ફિલ્મના ટ્રેલરને 24 કલાકમાં 32 લાખ વ્યૂઝ નથી મળ્યા. ડેડપૂલ-2 ના ટ્રેલરે જ રેકોર્ડ તોડી નાંખ્યો છે ત્યારે ફિલ્મ આવશે ત્યારે ક્યા ક્યા રેકોર્ડ તોડશે તે ફિલ્મ રિલીઝ થશે ત્યારે જ ખબર પડશે.
ફિલ્મના હિંદી ટ્રેલરમાં સ્વચ્છ ભારત, બાહુબલી, સુલતાન અને દંગલનો ઉલ્લેખ થયો છે. 2016માં આવેલી ડેડપૂલનો આ બીજો ભાગ છે. આ ફિલ્મમાં ડેડપૂલ એક છોકરાનો જીવ બચાવતો જોવા મળશે. ડેડપૂલ-2 18 મેના રોજ રિલીઝ થશે. તમને જણાવી દઇએ કે ડેડપૂલ-2ના લીધે કરીના અને સોનમ કપૂર સ્ટારર ફિલ્મ વિરે દી વેડિંગની રિલીઝને પાછી ઠેલાઇ છે.
