“મારો રેટ પૂછે છે?” સ્ટેજ પર ચપ્પલ કાઢીને એન્કરને મારવા દોડી સિંગર નિશા ઉપાધ્યાય, જાણો શું છે સમગ્ર વિવાદ

ભોજપુરી ગાયિકા નિશા ઉપાધ્યાયનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. વાયરલ વીડિયોમાં લાઈવ સ્ટેજ શો દરમિયાન તે અચાનક ગુસ્સામાં એન્કરને મારવા માટે પોતાની ચપ્પલ કાઢતી જોવા મળે છે. તેની આવી પ્રતિક્રિયા જોઈ તેની ટીમના સભ્યો પણ ગુસ્સામાં દેખાય છે. કાર્યક્રમ દરમિયાન કોઈ અનિચ્છનીય ઘટના ન બને તે માટે આસપાસ ઉભેલા લોકોએ વચ્ચે પડી મામલો શાંત કરવાનો પ્રયાસ કર્યો હતો.

સૂત્રો મુજબ, બિહારના સીવાનમાં પરફોર્મન્સ દરમિયાન એન્કરે ગાયિકાના ‘રેટ’ વિશે આક્ષેપજનક ટિપ્પણી કરી હતી, જેના કારણે વિવાદ વધ્યો. વર્ષ 2023માં પણ એક લાઈવ કાર્યક્રમ દરમિયાન હવાઈ ફાયરિંગમાં ગોળી લાગવાની ઘટનાને લઈને તેઓ ચર્ચામાં આવ્યા હતા. નિશા ઉપાધ્યાયની સોશિયલ મીડિયા પર મોટી ફેન ફોલોઇંગ છે.

Bhojpuri Singer Nisha Upadhyay Hits Anchor With Slipper During On-Stage Clash: ‘Yeh Rate Batayega Mera?’ pic.twitter.com/9xeteN5Fkc

— India 2047 (@India2047in) February 23, 2026

‘રેટ’ના સવાલ પર બવાલ

નિશા ઉપાધ્યાય કાર્યક્રમમાં પરફોર્મ કરવા તૈયાર થઈ રહી હતી, ત્યારે મંચ સંચાલક એન્કરે જાહેરાત દરમિયાન તેમના ‘રેટ’નો ઉલ્લેખ કર્યો. આ વાત નિશાને પસંદ ન પડી. વાયરલ વીડિયોમાં તે વાદળી સાડી પહેરી હાથમાં ચપ્પલ લઈને એન્કરની તરફ વધતી જોવા મળે છે, જ્યારે એન્કર પોતાને બચાવવાનો પ્રયાસ કરતો દેખાય છે.

વીડિયોમાં નિશા કહેતા સાંભળાય છે: “રેટ બતાવી રહ્યો છે? મારું રેટ આ બતાવશે? માઇક આપો, તેનો રેટ અમે બતાવીએ. તેને મારીશું અમે. રેટ બતાવનાર કોણ છે?”

આ ઘટનાને કારણે સ્થળ પર થોડા સમય માટે અફરાતફરીનો માહોલ સર્જાયો હતો. જોકે બાદમાં સ્થિતિ કાબૂમાં આવી અને કાર્યક્રમ આગળ વધારવામાં આવ્યો. આ મામલે આયોજકો તરફથી હજી સુધી કોઈ સત્તાવાર નિવેદન સામે આવ્યું નથી.