મુંબઈ: બોલીવુડના સુપરસ્ટાર અભિનેતા અક્ષયકુમાર અને સલમાન ખાનની કમાણી સૌથી વધુ દેખાઈ રહી છે. સૌથી વધુ કમાણી કરતા અભિનેતાઓની યાદીમાં આ બંને પણ સ્થાન મેળવી ચુક્યા છે. યાદીમાં વર્ષ ૨૦૧૮માં સૌથી વધુ કમાણી કરતા કલાકારોમાં અક્ષયકુમાર અને સલમાન ખાન પણ સામેલ રહ્યા છે.
ગોલ્ડ સ્ટાર અક્ષય કુમારની વાર્ષિક કમાણી ૪૦.૫ મિલિયન ડોલર એટલે કે ૨૮૩ કરોડ રૂપિયાની રહી છે. જ્યારે સલમાન ખાનની કમાણી ૩૮.૫ મિલિયન ડોલર એટલે કે ૨૬૯ કરોડ રૂપિયા રહી છે. પ્રથમ સ્થાન ઉપર હોલીવુડ સ્ટાર જ્યોર્જ ક્લુની રહ્યો છે. આ પહેલા દુનિયાના ૧૦૦ સૌથી વધુ પૈસા લેનાર એન્ટરટેઇનરના નામ જારી કરવામાં આવ્યા હતા. અક્ષયકુમાર અને સલમાન ખાન તેમાં પણ સ્થાન મેળવી ગયા હતા. આ યાદીમાં બંને ખુબ દૂર રહ્યા હતા.
જ્યોર્જ ક્લુનીની કમાણી ૧૬૭૨ કરોડ રૂપિયા રહી છે જ્યારે ડિવેન જ્હોસનની કમાણી ૧૨૪ યુએસ મિલિયન ડોલરની આસપાસ રહી છે. જેકી ચાન, વિલ સ્મિથ, રોબર્ટ ડાઉની જુનિયર, ક્રિસ હેમ્સવર્થ પણ સૌથી વધારે કમાણી કરનાર કલાકારોની યાદીમાં સામેલ રહ્યા છે. સૌથી વધુ કમાણી કરતા કલાકારોની વાત કરવામાં આવે તો આમા એડમ સેન્ડલર પણ સામેલ રહ્યો છે.
