મુંબઇ : સુશાંત સિંહ રાજપુત અને સારા અલી ખાન દ્વારા અભિનિત ફિલ્મ કેદારનાથ હવે ટુંક સમયમાં જ રજૂ કરવામાં આવનાર છે. આ ફિલ્મને લઇને લોકોની ઉત્સુકતા વધી છે. કારણ કે ટ્રેલર અને મ્યુઝિકના કારણે ચાહકો પ્રભાવિત થયા છે. હવે ફિમ રજૂ થવાની તૈયારીમાં છે ત્યારે સેટના કેટલાક મસ્તીવાળા ફોટો સારા અલી ખાન દ્વારા ચાહકો માટે પોસ્ટ કરવામાં આવ્યા છે. ફિલ્મ સાતમી ડિસેમ્બરના દિવસે રજૂ કરવામાં આવનાર છે. ફિલ્મ મારફતે સારા અલી ખાન બોલિવુડમાં ડેબ્યુ કરવા જઇ રહી છે. આ ઉપરાંત હાલમાં બંને કલાકાર ફિલ્મના પ્રમોશનમાં હાલમાં વ્યસ્ત છે. સારા દ્વારા પોસ્ટ કરવામાં આવેલા ફોટાને લઇને ચાહકોમાં ચર્ચા છે. ફોટો એ વખતના છે જ્યારે ફિલ્મના શુટિંગનો દોર ચાલી રહ્યો હતો.
ફોટોમાં સાફ નજરે પડે છે કે શુટિંગ દરમિયાન કેટલી મસ્તી કરવામાં આવી છે. સારાએ પોતાના સોશિયલ મિડિયા એકાઉન્ટ પર ફોટો પોસ્ટ કરીને કેટલીક બાબતોનો ઉલ્લેખ કર્યો છે. સારાએ લખ્યુ છે કે કેદારનાથ ફિલ્મના પાછળના સીનને ફોટોમાં જાઇ શકાય છે. કેદારનાથ ફિલ્મ રજૂ કરવામાં આવ્યા બાદ સારા રોહિત શેટ્ટીની એક્શન ફિલ્મ સિમ્બાના કામમાં વ્યસ્ત થનાર છે. જેમાં તેની સાથે રણવીર સિંહ ભૂમિકા અદા કરનાર છે. રોહિત શેટ્ટીની ફિલ્મ પણ પૂર્ણાહુતિના આરે પહોંચી ગઇ છે. આવી સ્થિતીમાં સારાની બે ફિલ્મ એક સાથે રજૂ કરવામાં આવનાર છે. સાતમી ડિસેમ્બરના દિવસે કેદારનાથ ફિલ્મ રજૂ કરવામાં આવ્યા બાદ ડિસેમ્બરમાં જ ૨૮મી તારીખે સિમ્બા પણ રજૂ કરવામા આવનાર છે. જેમાં રણવીર સિંહ પોલીસ અધિકારીના રોલમાં નજરે પડનાર છે. રોહિત શેટ્ટીની ફિલ્મ હોવાથી તેને સફળતા મળવાની ગેરંટી છે.
